#4/11/2014 #Dongdaemun, Seoul 呢排好忙都一段時間冇出文喇! 近來南韓新沙士好似唔多對路, 大家都係唔好去住喇, 除咗自己之外, 大家都要顧及其他人, 你明知有事都要照去, 唔止害自己㗎! 大家都要小心身體! (民智要開, 帶口罩喇喂!) 不過文呢就會照寫既, 總有機會再去既! M: Line 1, 4 東大門 東大門個名好似同掃貨係同義詞咁。其實東大門附近有條街好多野食㗎! (Exit 9 跟紅色箭嘴) (雖然支持繁體, 但韓巢地圖確實好用, 值得參考 http://map.cn.konest.com/) 最出名就係陳玉華一隻雞, 呢個神級! 遲d再講 仲有都出名既孔陵一隻雞。有炭燒既烤魚檔。 最恐怖既係連狗肉湯都有! 仲要死排肋骨咁放響度! 雖然食狗肉係韓國傳統我知, 但都係接受唔到囉。 由於一個人食唔落一隻雞, 我撞咗入孔陵一隻雞隔離既韓一會館食生牛肉石鍋拌飯, 都唔貴, 算係咁。 點擊圖片放大 下次行街可以過黎呢條街食野, 食飽先有力行街㗎嘛! 追夢‧闖蕩‧看世界 https://www.facebook.com/DreamsAroundWorld https://blog.ulifestyle.com.hk/blogger/dreamsaroundworld/
