#3/11/2014 #Namshan, Seoul #Namdaemun, Seoul M: 忠武站 Chungmuro Exit 3 地鐵行一小段路就到南山谷韓屋村。呢度原來唔使錢入場㗎! 有鋪民族服裝癮既我又衝去著韓服。 入大門口直行到大空地轉左經過大空地上幾級再轉左就係買飛著韓服既傳統工藝館喇。(我都知好難明㗎喇哈哈, 睇地圖喇!) 買完韓服飛(₩3500), 十一點九先去到影相屋就中伏喇, 原來十二點就放lunch, 而佢食飯十分鐘前就要收檔, 即係如我即刻影連著衫得5分鐘。。。決定行下先lunch後再影。 出面空地有免費既整韓食體驗, 啱啱呢節係整花山餅, 算係紅豆糯米糍。其實本身已經係半製成品, 係俾你玩下, 都幾得意既。 點擊圖片放大 +3 玩到冇野玩又仲未有得影相就諗起韓屋村門口有間studio¥20000可以租韓服出去響韓屋村影實景, 都係百幾蚊港紙。決定上咗去睇下, d衫都算ok。 價就講唔到, 但講到一個鐘變個半鐘兼且出門口先開始計, 可以慢慢揀慢慢着。還掂有時間又唔貴, 就唔好哂咗個景, 即管玩下喇! 如果有鍾意影相既不妨試下。韓屋村d景影相真係唔錯, 雖然唔係好大, 但都有唔少details位。 還衫既時候佢仲俾我響studio再影, 不過室內唔專登開返d射燈乜乜乜去影假背景真係麻麻靚, 都係影室外實景靚d。 點擊圖片放大 +7 講咗咁耐, 差d忘記咗等既目的其實係俾咗響韓屋村韓服體驗既錢未影。 呢度特別既地方係除咗韓屋室內實景之外, 仲有好特別既大婚韓服, 同平時嗰d唔同㗎。 我已經試咗咁多套梗係試下d特別d㗎喇, 如果情侶或者渡蜜月黎就最啱喇! 點擊圖片放大 +3 影完一大輪就行去南大門市場。南大門市場係個好傳統, 賣d嘢好生活既地方, 可以話係個大型街市。 其實唔算好啱遊客行, 因為好多野你根本唔會買, 但又唔算好體驗到當地人生活, 因為嗰度又算係遊客區。 不過如果冇乜時間捐癃捐罅都可窺探一下韓國人既日常生活。 首爾非一般食玩試推介 https://blog.ulifestyle.com.hk/blogger/dreamsaroundworld/2015/01/%E9%A6%96%E7%88%BE%E9%9D%9E%E4%B8%80%E8%88%AC%E9%A3%9F%E7%8E%A9%E8%A9%A6%E6%8E%A8%E4%BB%8B/ 追夢‧闖蕩‧看世界 https://www.facebook.com/DreamsAroundWorld https://blog.ulifestyle.com.hk/blogger/dreamsaroundworld/