(本文與旅遊同美食冇關, 但希望大家睇落去) #SAA 大約4年前, search到呢個地方, 搞咗個活動, 同一班同學黎探訪, 自此有時間就會入黎睇下, 最想係有朝一日唔再需要呢度, 呢度貓(狗)丁單薄, 俾好心人帶哂返屋企。 今次入到貓房, 繞場一周後就坐響地, 等鍾意人既貓貓走過黎。請不要格硬去搞貓貓, 唔使所有貓貓都鍾意人既。 呢度既貓貓每隻都有自己既故事, 大概都係無處容身, 最後黎咗呢度。 坐響地下周圍摸下路過既貓貓, 有d會避開, 而有隻帶住喇叭既貓貓, 摸咗幾下唔摸, 就用個渴望既眼神望住你喵你, 要你繼續摸。摸多幾下就踩隻腳上你大脾。 你唔反抗? 得米喇! 貓奴人肉按摩枕! 舒服到要咕嚕咕嚕! 終於有人陪喇! 見佢帶住喇叭, 以為佢係啱啱絕咗育。問義工先知呢隻花名叫木木(因為個樣好木)既貓貓有情緒病, 成日覺得自己好污槽會咬甩自己d毛, 而中心唔止佢係咁。估計都係因為俾人拋棄搞到心靈創傷。 大家養寵物前真係要三思! 養咗就要一生一世! 領養代替購買, 幫到被遺棄既小毛孩之餘仲可以杜絕不人道繁殖! 點擊圖片放大 +7 SAA黎緊7月4號有賣旗日, 大家識做呢! 保護遺棄動物協會(SAA) http://www.saa.org.hk/ 追夢‧闖蕩‧看世界 https://www.facebook.com/DreamsAroundWorld https://blog.ulifestyle.com.hk/blogger/dreamsaroundworld/