#1/11/2014 #Hongdae, Seoul #Noryangjin, Seoul 由於淨係食咗個brunch既關係, 四點幾就肚餓喇, 好彩有開24既神仙雪濃湯。 雪濃湯其實係牛骨湯加牛肉片既湯飯, 記住要自己加鹽呀! 味道都ok, 不過如再重口味d仲正。 點擊圖片放大 +3 去鷺梁津前順路去永登浦地下街, 都真係幾掋買, 不過冇乜得揀, 款都比較普通。唔去開嗰邊真係唔使專登搭車去。 再搭地鐵去鷺梁津, 行過條橋就係水產市場, 其實就好似一個大型既停車場, 都幾兜踎。真係好多野賣, 價錢都唔貴, 部份都幾掋添, 不過就小心呃秤。 點擊圖片放大 +8 我響2間買咗d甲殼類。1間響中間行較遠幾位置, 混合3隻都係萬幾₩ 1kg既貝殼, 買1kg響公磅磅得0.85kg (重要唔多好食)。 另外仲響一落樓梯藍色招牌個minions呀豬媽度買青口, 只係₩5000超掋, 仲買0.5kg俾咗0.66kg, 呢個呀豬媽好人又老實, 可以認住佢。 仲有好多人會買生魚片, 魚蝦蟹蠔等等去魚市場裏面既餐廳加工。 而我, 點解買貝殼類呀? 慳慳地直接拎返hostel烚就ok喇嘛。 其實加埋有超多, 要分兩餐食。 點擊圖片放大 +5 煮完響common area食, 遇到幾個韓國男仔, 響度傾佢地當兵既野。 同多d唔同既人接觸, 絕對係旅行既收獲同營養。 追夢‧闖蕩‧看世界 https://www.facebook.com/DreamsAroundWorld https://blog.ulifestyle.com.hk/blogger/dreamsaroundworld/