有fd話去首爾有乜好介紹, standard野就唔講喇, 太易search, 或者大家慢慢等下我打行程, 哈哈! 就講下我認為有乜特別正一定要試。只講真係試過既, 唔係道聽途說。以下以個人喜好由最推介開始排列 必食 陳玉華一隻雞(加年糕) 真係一試難忘超級好味, 任何部份都超滑既雞, 超好味既湯(本身唔辣, 可以加泡菜, 不過個人覺得泡菜分開食好d, 咁先唔會搶咗本身既鮮味)。 價錢相宜好似大約￦20000雞+年糕, 至少要2個人先可以ko煲野。如果一人行就要試下識新朋友同你一齊去食喇。 醬蟹加飯-廣藏市場/其他餐廳 醬蟹好味好多人聽過, 醬蟹好貴都應該好唔少人聽過。 一隻蟹要3百至5百蚊港紙真係食咗我隻車, 本身都諗住緣慳一面, 點知俾我響廣藏市場既kimchi舖(叫洪林)發現醬蟹, 仲只不過係￦10000, 即係七十幾蚊港紙一隻, 仲會同你包好, 拎上機做手信都仲得。 醬蟹其實用特別既醬油醃浸, 係生既好似刺身咁, 通常都超多糕, 撈飯超好味。 我嗰時去咗飯卷舖買白飯返hostel送飯。 當然你唔想好似我咁可以去餐廳食。 點擊圖片放大 +2 蜂巢雪糕- Softree ￦4800(大約30蚊), 雪糕好奶好滑, 蜂巢唔會太甜, 一絕 春川辣炒雞-(春川)青山雞排/其他餐廳 一日遊去春川食雞, 加年糕一齊炒, 雞好滑, 好惹味。 我唔鍾意食辣野都覺得正。春川辣雞街均一價￦10000。 冇時間去春川都可以去其他餐廳試下 點擊圖片放大 參雞湯-土俗村 唔使解釋喇。 仲會送1 shot人參酒, 都幾好味。 其實我淨係食過呢間, 冇比較。 點擊圖片放大 飯卷-飯卷天國 首爾大量分店, 新鮮飯卷, 價錢相宜 三角咖啡-7仔 數量唔多未必間間有。 好有奶味, 應該唔少女仔鍾意飲。 必試 汗蒸幕+煙燻蛋甜酒釀-梨泰院land, 東大門sparex/ others 有睇韓劇一定識汗蒸幕, 係韓國好傳統既三至八十歲消遣埸所。 黎泰院land比較傳統多local, 東大門sparex新淨就腳, 但多遊客, 尤其下晝時段有非常滋擾既大陸團, 夜晚就好d。 由於汗蒸幕一個價可以留24小時, 而且有地方訓, 價錢只不過大約￦10000, 唔少人慳錢響嗰度住一晚著韓服- 明洞, 仁寺洞, 南山韓屋村, 機場 著韓服 仁寺洞(人人對面) ￦3000, 衫既質素唔錯, details靚, 多配飾, 要即日早d預約 南山韓屋村 ￦3500, 衫既質素唔錯, 多特別款, 最特別有皇室大婚既韓服, pre wedding/情侶可以一試。 嗰度本身係韓屋, 背景冇花冇假。唔算太多人 仁川機場(122登機口) 免費, 衫既質素唔錯但較簡單, 最特別有娘娘假髮, 冇人, 點影都得 明洞(M plaza 5/F) 免費, 要即日早d預約, 好旺, 衫既質素普通 大排檔 點解擺必試唔係必食, 因為食物好普通, 年糕米腸魚蛋, 係要試下個氣氛 明洞cultural centre 即係明洞著韓服嗰度, 星期二至五都有免費韓國手工課程, 都有好平既韓國文化課程/活動例如k-pop class, 有時間可以一試 必去 DMZ train/tour 北韓呢個神秘國度其實同首爾好近, 首爾站每一日有一班觀光列車DMZ Train(京義線)來回邊境站都羅山站。京義線係韓國未分裂前連接漢城(首爾)同北韓新義州, 最後連接平壤既火車線, 好有象徵性意義, 中間有好多韓戰既遺蹟。都羅山day tour可以參觀北韓掘入南韓既第三地道, 都羅山展望台望下北韓。 重點係呢個一日遊好掋玩, ￦8700 ￦8900單程, 加￦8700都羅山day tour, (唔包lunch)只係用你￦26100/￦26500 , 只係一百八十幾港紙, 邊度搵。記住帶passport, 雖然你唔會過到海關去北韓, 但南韓兵哥係會check哂全車人passport㗎。要早d check有冇車買定飛, 星期一同紅假冇車, 有時維修都冇, 而且d車都幾hit, 我就係買唔到要買企位。 基本上其他遊客都係本地人, , 得幾外國人唔識韓文, 車上面都係韓文為主, 工作人員英文唔係好得, 一定要上網抄定每站開車時間, 上唔到車就可能要跟兵哥返軍營㗎喇。 點擊圖片放大 梨花洞壁畫村, 首爾城牆 響東大門沿城牆向山上係東大門城郭公園, 可以望首爾市景, 據說夜景好靚, 好多韓劇響度拍過。附近就係梨花洞壁畫村, 周圍既樓同樓梯都畫咗好靚既壁畫, 影相一流 點擊圖片放大 追夢‧闖蕩‧看世界 https://www.facebook.com/DreamsAroundWorld https://blog.ulifestyle.com.hk/blogger/dreamsaroundworld/
