#28/10/2014 #Gapyeong-gun, Gyeonggi-do 呢度雖然未冬天, 但天黑已經好凍, 今朝起身結哂霜, 朝早太陽曬落黎出哂煙 呢度係有waste control, 係要買政府既垃圾袋黎dup垃圾㗎! Free time既時候坐紅葉天然地氈同大自然零距離, 真係好放鬆 今日有劍道堂, 同d學生一齊上堂。 唔識聽韓文, 淨係跟著做, 呀sir都有用有限英文加無限動作教我基本動作, 體育係冇國界。 劍道係好講身心控制, 係個幾好既嘗試, 其實唔易。 跟著做少量體能, 感覺好健康。 落足球場跑步, 不得了! 係人造草皮(p2粒子地)! 嘩好有親切感! 好想打hockey! 不過係九成執唔到波。。。 今日既體驗堂係整泡菜!!! 真開心有得試最韓國既野。 今日整蘿蔔同蔥既泡菜, 聽落好似好好玩咁, 其實都有d辛苦㗎。 首先要洗乾淨, 再搣走唔要既部份同切好, 跟著搵d鹽醃下d蘿蔔。 跟著用糯米粉煮一個漿, 加辣椒粉, 魚露同各種調味料, 呢個完全係靠經驗, 所以每家人整既泡菜都會唔同。 跟著洗返蘿蔔d鹽, 再撈勻d醃料, 就完成喇! 聽落唔難但洗野d水係非常凍(出面夜晚係會結霜), 而且成身既泡菜味係沖完涼都仲久久不散! 不過呢d超local既經驗用錢都買唔到。 點擊圖片放大 +10 今日仲用整泡菜淨既蔥黎整傳統煎餅食 仲有發現咗韓國人係會飲飯焦水! 即係煲燶咗飯加d水落去煲返d飯焦出黎嗰d灰啡色洗煲水! Umm我冇試。。。追夢‧闖蕩‧看世界 https://www.facebook.com/DreamsAroundWorld https://blog.ulifestyle.com.hk/blogger/dreamsaroundworld/
