#26/10/2014 今日去加平皇牌景點一日遊, 較鬧鐘起身諗住搭9點第一班加平循環巴士, 點知高估咗自己, 最後搭10點(1粒鐘一班)。 如果你由首爾入就搭京春線去加平站再搭加平循環巴士或者的士 如果唔係就唔到絕對建議避開星期六日, 因為好多韓國人都會去, 係浮誇地人多車多, 多到會塞哂成個地區。 點擊圖片放大 去到南怡島碼頭真係嚇親, 超級浮誇多人到維園花市咁, 條隊超長。 突然有個工作人員用韓文噏咗d野, 一班同一班車既韓國人一齊跑去另一邊, 據說話浮誇長嗰條隊原來係俾團排, 散客可以排條短好多好隊買飛上船, 唔知堅定流, 總之我唔耐就上到船又冇俾人話過我打尖喇。買飛記住俾passport佢睇, 外國人有得平。 點擊圖片放大 南怡島係真係靚既, 黎既時候都啱啱好, 楓葉紅咗但黃色既銀杏葉又未落哂。 好多人, 包括我, 就自戀地不斷影相, 鍾意都可以租單車, 不過我冇, 南怡島唔大, 一路行一路影相都ok。 點擊圖片放大 +4 點擊圖片放大 +3 出黎就等車去小法國, 買咗個叫糖餅既野, 係有甜甜地餡既煎餅。一路山路崎嶇咁上山, 霸唔到位坐嗰d真係幾慘。 小法國係完全冇野好睇! 好彩有coupon￦8000>5000... 除非你有特殊僻好, 如果唔係不去也罷。 點擊圖片放大 +6 小法國等車超級躁!!! 等架搭8既車下一個搭5先到!!! 有冇咁塞呀?! 上到晨靜樹木園都差唔多天黑。。。 嗰度好靚架! 真係唔掋! 強烈建議skip小法國! 點擊圖片放大 +3 返去hostel拎返個喼出去食野, 同樣既問題照舊出現。。。最後食咗吉列豬扒蛋飯。。。跟著由於拎住個喼確係唔好行既關係去搭的士, 都唔係好敗家啫, 只此一次￦3000。 夜媽媽去邊? 就係搭2個站去等我host接喇! 我今次黎除咗行街去景點仲預咗一個禮拜去WWOOF, 唔知就自己serach下, 都算係打工換宿既一種。 我今次去響係一間鄉村寄宿學校, 係間alternative school。 早左去到個站, 其實真係有諗過如果host唔出現點算㗎, 好彩好順利就見到佢喇! 係一個後生miss同佢男朋友。 用有限既英文溝通, 有困難哈哈! 首先揸咗車去間學校睇下先, 超級黑, 好似鬼片d學校咁。。。 其實唔使咁急既, 大把時間。 不過不得了既係我見到成世女都冇見過咁多既星呀! 西貢各荒山野嶺我去過好多次, 冇一個有得比呀! 跟著揸一小段路去宿舍,我有自己一間house! 其實係一層既小平房, 有埋廁所, 甚至爐! 好幸福, host又好friendly, 仲講到冇乜野做咁? 希望係個好開始喇! 佢間學校校舍ok大, 得3個學生(兩姐弟加個男仔), 有2個全職老師, 另外1個淨黎上maths1個淨教劍道, 1個姐姐淨係煮lunch, 究竟呢間學校係點維持既呢。。。應該幾貴學費 去人地既地頭就帶咗香港地道既蛋卷同馬仔同大家分享, 佢地好開心。 WWOOF 其中一個目標就係文化交流, 除咗去感受人地既文化, 自己都要主動帶多d野俾人地, 先做到交流吖嘛=] 點擊圖片放大 追夢‧闖蕩‧看世界 https://www.facebook.com/DreamsAroundWorld https://blog.ulifestyle.com.hk/blogger/dreamsaroundworld/
