#Pisa, Italy #Rome, Italy #02/07/2013Train: Pisa Centrale -> Roma Termini Dur: 2:50 0900/1150一早起身就搭火車去羅馬。 早餐有琴日買既ham同切好既melon, 超好味呀。d ham好鮮, melon超甜, 仲要好抵食。 沿路係海邊, 真係超級靚! 點解我冇plan去海邊。。。 除咗超靚既海仲有超大既太陽花田。 比薩落羅馬記住買直車, 如果去佛羅倫斯轉就行內陸㗎喇。 去到hostel攞低野就出去搭地鐵, d地鐵竟然可噴滿哂塗鴉, 好明顯係俾人偷偷地搞, 果然係治安較差。M: Termini -line B-> Circo assimo 本來想去卡拉卡拉浴埸Teme of Caracalla, 行咗一段路都未見, 唔想再街就冇去喇。 知道直接落Colosseo站喇 去羅馬鬥獸埸Colosseo, 學生飛竟然只係俾EU公民買! 第一次係咁。。。 點解當年唔攞BN呀!!!! 鬥獸埸同古羅馬廣場係有聯票會抵d。 鬥獸埸成個建築其實好勁, 好多機關同設備都好現代。 點擊圖片放大 +6 跟著去古羅馬市場Foro Romano, 真係超級大, 熱天行真係有d辛苦。地方好大得黎, 其實得堆建築遺址嗰面有野睇, 所以其實直接去嗰邊就得。 點擊圖片放大 +8 出門口冇幾遠就係維托里亞諾Altare della Patria, 啱啱好未關門前到, 可以入到去影相。 行過威尼斯廣場Piazzo Venezia有間geleto擺到d甜筒超級靚, 即刻忍唔住要幫襯。 點擊圖片放大 一路慢慢行返去順便睇埋聖母大殿Basillica di Santa Maria Maggiore。 再響hostel附近行超市, 行街市/超市係其中一個最好了解當地真實生活既地方。 點擊圖片放大 夜晚冇煮, 試咗附近cafe既千層麵, 個姨姨好好人 追夢‧闖蕩‧看世界 https://www.facebook.com/DreamsAroundWorld https://blog.ulifestyle.com.hk/blogger/dreamsaroundworld/
