#Amsterdam, Netherlands #Zaandam, Netherlands #20/06/2013 每日起身都總係要浪費下時間。今日第一個任務就係搬返個喼落樓。。。有幾chur詳見hostel篇。。。 Train: Amsterdam Centraal -> Koog-Zaandjik (change：0) dur: 0:18 €5.8 (return) auto ticket at station 搞掂哂就去車站買飛去Zaanse Schans風車村，點知唔夠銀仔入機買飛，d舖頭間間都唔肯唱，結果去買左個包唱錢，同埋miss咗班車，好彩下班都唔耐。 入閘令人好迷茫，佢個閘係長開而且冇位入飛，究竟衝唔衝入去好？見到幾個人都係直行直過就決定行。 原來係我大鄉里，歐洲大部份地方d火車站係開放式，唔上車的話都可以隨便行，所以嗰個唔算係閘，只係俾人嘟八達通既機。大部份地方上車前都唔check飛，所以自己要睇清楚唔好上錯車。上到車就會有人行來行去check飛，用credit card買既online仲有可能會check埋咭。 唔使check飛上車還唔使check，有d地方既冇指定時間飛係要打time stamp先可以上車，time stamp機通常響月台入口。響唔熟悉既地方，最好就係預多d時間同俾d觀察力睇下周圍d人。如果十個有九個人都會拎住張車飛行去一部不明既機器先去等車，你都應該懷疑同研究下自己係咪要咁做。 Train: Amsterdam Centraal -> Koog-Zaandjik (change：0) dur: 0:18 點擊圖片放大 +2 好快就去到喇，雖然只係一個地區小站，但設計都好friendly。上落樓梯位有條坑方便人直接轆架車唔使搬。 出站唔遠發現一部free map機，唔使錢喎梗係去搞下佢，成功跌咗張map出黎。後面d人發現原來部機有map攞就成功掀起熱潮個個走去試，排哂大隊咁，但唔知點解搞勁耐一張都拎唔到。唔通拎哂？不過我已經行到好遠幫佢地唔到。都話要留意多d周圍既事物㗎喇！ 條村竟然唔使俾入場費，不過個別point會收錢。有介紹芝士木鞋張地方，又有風車，都幾有荷蘭鄉村風味。自然生態保持得好好，會有鴨響河，有其他動物。 點擊圖片放大 +5 遇上一班黎旅行既小朋友，佢地全部著哂反光衣，咁樣冇咁易走失？ 入咗最出名既風車De Kat，係一坐磨顏料既mill。參觀裏面既齒輪結構，d樓梯好企，基本上行唔到，要爬。睇咗陣嗰度d人話就落雨，郊外地方都係快d走安全。呢度真係好舒服，唔捨得走。 點擊圖片放大 +5 去火車站既一條橋上面，有班男仔玩跳橋，條橋都真係唔矮。住鄉村既小朋友，簡單既生活中享受著簡單既快樂。 點擊圖片放大 Train: Koog-Zaandjik -> Amsterdam Centraal (change：0) dur: 0:18 tram: -> Amsterdam, Stadhouderskade 返到amsterdam搭電車去Heienken Experience，電車一買就要買1hr pass，有d貴而且唔掋用，你根本一個鐘唔會出返黎。Heienken Experience係Heienken既舊廠改成既介紹館，入場費有d貴，入面都冇乜特別，我又唔飲得多啤酒，有d唔掋。 btw我去個bar度攞coke俾個bartender笑。 點擊圖片放大 +2 返出黎有d雨，1hr pass又過咗時，唯有雨中漫步去各大景點。一路行去Munttoren鑄幣塔，Bloemenmarkt Singel辛格花市，Dam水壩廣場，Koninklijk Paleis王宮，De Nieuwe Kerk新教堂，Westerkerk西教堂，Het Anne Frank Huis安妮之家。景點冇乜特別。 安妮之家好多人排隊，冇入到去，如果想入要早d去排隊。 點擊圖片放大 +3 返到hostel用地下個shared bathroom沖涼洗頭吹埋頭先上夜車。住hostel既其中一個好處就係check out咗通常都仲可以用common facilities Train: Amsterdam Centraal -> Warszawa Centealna (change：0) dur: 15:54 1901/1055 €62.5 6-couchette paper ticket (by mail) 好緊張呀第一次自己一個搭咁長既夜車，仲要同5個陌生人訓同一個compartment。 車箱都幾乾淨。仲有搭EN你一上車佢就會收起你張飛，等你差唔多落車先俾返你，順便嗌醒你，呢個service都唔錯呀。響未訓前都仲未有其他人黎我個compartment，可以放middle bed落黎舒舒服服靜靜地寫下notes 去到德國早段正準備訓覺既時候終於有人上黎喇，係一對couple，都幾friendly，冇耐再上多個呀叔。成晚訓得麻麻，個呀叔勁大鼻鼾勁annoying，張床又硬又窄，火車又dun又嘈，同埋最重要係冇乜安全感，高度戒備。 點擊圖片放大 **多謝大家嘅支持！Follow我嘅blog, Like埋我嘅fb page呀！ 追夢‧闖蕩‧看世界 https://www.facebook.com/DreamsAroundWorld https://blog.ulifestyle.com.hk/blogger/dreamsaroundworld/**
