#Paris, France #Amsterdam, Netherlands #19/06/2013 朝早發現有個荷蘭人roommate搭同一班火車去荷蘭，約定佢一齊去火車站。 食完早餐就行去Basilique du Sacré-Cœur聖心堂喇，都唔太遠。據說嗰邊多黑人治安比較差，不過我又好似唔多覺，可能早去。山腳有個好經典既兩層旋轉木馬，影相會幾靚。行樓梯上到去可以鳥瞰成個巴黎。 聖心堂入面唔俾影相，裡面冇好傳統既耶穌像，而係好大型既天花壁畫，都幾靚。 點擊圖片放大 +2 metro line 2 -> 3: Anvers -> Villiers -> Opera 搭地鐵去Palais Garnier加尼葉歌劇院，唔好以為歐洲大城市就科技發達，巴黎地鐵到站係要自己開門㗎，而且仲要幾用力。如果唔知就會呆呆地望住道門冇開過就飛咗站。 歌劇院係非常靚，好值得去。好靚既內部建築，超華麗既觀眾席，好似去左歐洲宮廷。 點擊圖片放大 +5 行去Galleries Lafayette老佛爺百貨朝聖。呢間咁出名既百貨公司望落冇想像中既浮誇。去法國梗係要睇Longchamp喇，可能係唯一一個仲算買得起既牌子。老佛爺既longchamp係要排隊既，主要都係中港台既人民。其實買longchamp機場買好d (provided that你出境個機場出境禁區有舖)，因為機場有得直接退稅，而且市區買唔過大約三個袋既錢係冇得退，而d稅都唔少錢。不過機場舖通常少d款少d色，咁啱冇貨就買唔返㗎喇。 metro line 7 -> 4/5 -> 2: Chaussee d'Antin La Fayette -> Gare de l'Est -> Gare du Nord ->Blanche 返到Gare du Nord發覺重有時間又有地鐵飛淨，好唔順路咁去一去Le Moulin Rouge紅磨坊睇下，純粹到此一遊，有d冇聊不過好過響火車站hea Metro line 2: Blanche-> Gare du Nord Train: Paris Nord-> Amsterdam Centraal (change：0) dur: 3:16 1525/1841 €35 online advance (e-ticket) 返hostel拎行李去搭火車，我真係覺得個荷蘭女仔個樣好荷蘭，好啱著橙色波衫哈哈。火車經過比利時，今次冇時間行比利時，第日有機會要返黎試下朱古力窩夫。 去到荷蘭就諗住去搞埋嗰張勁遲先寄到黎既超長途euronight，寄左超過一個月，5月4號上db bahn買，6月12號我去到愛丁堡先寄到去我屋企，點解得paper ticket都上網買？冇咩既，advance飛連credit card charge€62.5，去到櫃檯買€155.8咋嘛，差小小錢啫。 想再早d買定又唔得喎未開賣，要買d超長途得paper ticket既advance飛就gd luck. 不過平咁多又真係買得過㗎喎，出發前收唔到緊係sd email去問喇，好彩佢話去出發站買張新飛搭，返到香港寄返張新飛連單俾佢，佢會退返錢俾我。(結果8月先過到錢，不過都算係咁，退足錢冇昆我bank charge) 咁就排隊買飛喇，要攞籌喎，我拎個number預計至少排成粒鐘，好多人坐哂響地下好似露宿咁等。無限期響度等都唔多對路，決定去咗hostel放低行李再返轉頭等。 去到hostel真係不得了，間房響5樓，仲要係條勁窄既旋轉樓梯，真係講盡所有粗口都形容咁到。詳情請參考hostel篇。 一大輪運動後拿拿林衝返火車站，好彩時間啱啱好，就黎到我喇。賣飛個叔叔好好人，r吹之餘仲用佢學過既僅僅幾隻簡體中文響張飛度寫咗“站台“，“車廂“同“一路平安“俾我，見佢好努力咁畫(唔係寫，係畫)d字出黎好搞笑。佢真係勁friendly，令人心情都好d，同時令我明白點解買張飛都要等成粒鐘。 點擊圖片放大 +2 搞完一大輪已經時候唔早，不過響the city of sex既唯一一個夜晚冇理由唔出去見識下㗎嘛首先去咗火車站附近既地方，去咗Schreierstoren淚之塔，都冇乜特別。重點緊係去紅燈區睇囡囡喇！amsterdam既紅燈區d囡囡係會著到好sexy企響大街地下既落地大玻璃櫥窗度擺pose引人幫襯。我諗d男人應該會睇得幾開心。仲有唔同既sex show同合法既大麻酒吧，不過一支公既我當然係淆底冇去見識喇。最funny既係河邊有d半開放式既格俾d男人屙尿，開放程度基本上同就咁響街屙冇乜分別，只係水平角度既人大概見唔到隻雀但見到條尿咁囉，都不失為一個防止人隨街屙既下策既。差唔多天黑就返去hostel嚕。 d人響度吹水有d嘈，樓下酒吧又嘈，又冇冷氣關窗又焗，間房又多野飛飛下，好耐先訓到 點擊圖片放大 +8 **多謝大家嘅支持！Follow我嘅blog, Like埋我嘅fb page呀！ 追夢‧闖蕩‧看世界 https://www.facebook.com/DreamsAroundWorld https://blog.ulifestyle.com.hk/blogger/dreamsaroundworld/**
