#Reykjavík, Iceland #14/06/2013 朝早出左去行市區，去睇火箭教堂 Hallgrímskirkja 。裡面好簡潔，冇古典歐洲教堂既華麗，連耶穌像同十字架都冇，只係心中有神。教堂有幾大既管風琴，重點係有人響現場彈，好有教會音樂壯嚴既感覺，好好聽好有感染力。 點擊圖片放大 +6 行市中心條大街，真係人煙稀少。睇羊毛舖，都真係幾貴，仲有用羊毛整既冰島小精靈。 去左旅遊書介紹冰島算平既泰國湯麵，竟然幾好食喎。我地入去既時候冇人㗎，但食食下就排大隊，莫非我地幾個靚女太吸引？哈哈 點擊圖片放大 +5 行去old habour出海睇鯨魚，比想像中遠，行行下唔對路就跑住去，去到d人已經上哂船，好彩趕得切啫。 出到海真係極級凍，著咗厚褸都好似冇著衫咁呀唔係講笑。睇到都算多鯨魚海豚，不過有d遠同大家都黑黑地，又冇遇上鯨魚跳上水，唔係幾分到鯨魚定海豚。入返船艙發現原來有全身保暖衣可以拎黎著，highly recommend... 點擊圖片放大 +6 上岸路過一個免費既火山展館，唔使錢就入去睇下，有好多唔同種類既火山石sample，都幾得意。 再響市中心行街，去咗有介紹出名比較平既bonus超市。佢地賣凍肉同奶唔係用雪櫃，係直接成個大雪房俾d人行入去揀，即係雪埋d客人。揀野時間大減呀，好凍！買定d糧食返去呢幾日煮，仲要買埋野整之後嗰2日day tour既packed lunch。買左隻羊脾，好掋食呀！不過今晚決定唔煮，獎勵自己出去食餐豪既！ 點擊圖片放大 +7 去左間叫fish company既餐廳，冰島漁業咁出名就梗係要試下佢d魚喇。間餐廳拎過好多獎，淨係食個main course都差唔多HKD300。我揀咗個叫iceland既course，個course有龍蝦同3種魚，cod同lobster真係超級好食，連d配菜都超正。佢地仲請咗少少前菜我地試，連麵包都有3種醬。食得好開心，貴都真係有原因既。埋單食咗2萬4蚊，哈哈好豪呀！冰島紙d數目好大1HKD大約對14.5-16ISK。 點擊圖片放大 +2 返去途中經過一個滑板公園，有好多塗鴉，好靚，仲幾有創意。 點擊圖片放大 行埋落hostel出面既海邊睇Sólfar，係一個維京船既雕塑，代表冰島既夢想號。不過其實我覺得佢似魚骨多過船。。。 **多謝大家嘅支持！Follow我嘅blog, Like埋我嘅fb page呀！ 追夢‧闖蕩‧看世界 https://www.facebook.com/DreamsAroundWorld https://blog.ulifestyle.com.hk/blogger/dreamsaroundworld/**
