#Edinburgh, UK #11-12/06/2013 High Street Hostel Twin room, shared bathroom £22.5交通：位於舊城區大街側面，步行可到愛丁堡市中心各大景點。離火車站同機場巴士站唔係遠但都要行少少路。要跟hostel個instruction黎行，因為愛丁堡係個山城，有d地圖看似好近既路可能好斜。易揾度：火車站一出黎有d難揾路上舊城。上到去成個舊城主要就係條大街Royal Mile (=High Street)，hostel就響其中一條唔細既橫街行入幾步，所以上到舊城就唔難揾。附近環境：位於舊城區中心，好有溶入呢個歷史古城既感覺，古城主要係景點cafe手信舖，所以如果要行現代城市既舖頭行超市就要行少少路過新城喇。hostel隔離就係Highland Explorer Tours集合點，所以join highland tour非常方便。 樓梯：要行樓梯，樓梯好闊幾好行，有可能要上三層先到房 設施&服務：幢野係1564年起既lol，冇寫錯，係有450年歷史。不過仲有一邊新d既，所以設施都ok。free wifi很重要吧。新嗰邊有好大既廚房連common rm。廚房設備齊全，有好多爐唔驚冇位煮。common rm 有各種娛樂設施，氣氛好啱同其他人交流，有食飯檯、梳化、書、桌球、電視etc。reception都有個細d既commom area，係古蹟既部份，比較靜同悠閒，有cafe既感覺。廁所浴室比較舊式，但幾乾淨。出入要show resident card，保安較嚴。 房：我地係舊嗰邊既雙人房，係石牆架好特別。房幾細，但d大房好似大好多，不過就冇咁有特色。碌架床但張床好舒服，訓咗落去完全融入左張床再也不分開。氣氛：除左係一個好有歷史既地方，仲好有hall既感覺，好舒服好開心。想熱鬧識下人又得，common room除左有得打檯波仲有人jam吉他，靜靜地睇下書上下網又得，想做咩都揾到個啱feel既角落。 員工：都幾friendly，好親切Overall：好鍾意呢度。地點唔錯而更重要係氣氛好吸引。旅程攰咗可以有地方俾你抖下，亦都有空間俾你收拾下思緒。氣氛好易同其他人交流，同旅途中遇上既人交流都係旅程既一部份，更多角度去認識呢個世界。 **多謝大家嘅支持！Follow我嘅blog, Like埋我嘅fb page呀！ 追夢‧闖蕩‧看世界 https://www.facebook.com/DreamsAroundWorld https://blog.ulifestyle.com.hk/blogger/dreamsaroundworld/**
