#Windermere, Lake District,UK #10/06/2013 Lake District Backpackers 6 bed female dorm, shared bathroom £15.5 交通：好近train station bus station，基本上會搭既車都係行幾步 易揾度：識睇地圖又好眼力既話都還可以，響大街要行入一個凹位先揾到隱藏響入面既hostel，路口好似有個唔多顯眼既牌 附近環境：寧靜優美乾淨既鄉村小鎮，感覺好舒服悠閒。行五分鐘有超市可買生活所需，有cafe，有bakery 樓梯：有地下同一樓，條樓梯有d窄，搬大喼有d chur，但只係一層，可以接受 設施&服務： 有free wifi，很重要吧。 有煮到飯既廚房，柴米油鹽其本齊。 common area好有家既感覺，有好多豆豆梳化可以坐。 廁所好正，我住既一樓係家庭式廁所，即係好似屋企咁關廁所門你擁有馬桶、企缸、洗手盆，個廁所仲要ok大，可以響入面做鄭多燕。 包早餐，有whole milk skim milk，幾隻cereals, 幾隻jam，white bread whole grain bread with toaster任飲任食。 房：房其實好細，地下頂盡只開到2個喼，真係預你backpack 碌架床，舒適度都還可以，係空間上感覺有d壓迫感 氣氛：小型家庭式hostel，好有家既感覺 員工： 基本上係自助式冇人serve，自己㩒密碼入門口入房，連收錢都係自助自律dup入夾萬，真係好相信人性皆善。淨係晏晝見過有呀姐買早餐洗床單 Overall：係間房迫d， 其他野都唔錯， 氣氛真係幾舒服。Lake district要近火車站又價錢相宜，我睇過既呢講都算首選，始終Lake District都係個出名既旅遊區，唔少英國人自己都會去，所以又平又方便既唔多 註：到步前記住check email睇佢有冇sd密碼俾你，如果冇就用你既辦法聯絡hostel既人問左先，因為到時如果冇咁啱撞到有人出入或者發現你狂㩒門鐘而出黎救你，你係會企左響度既。 **多謝大家嘅支持！Follow我嘅blog, Like埋我嘅fb page呀！ 追夢‧闖蕩‧看世界 https://www.facebook.com/DreamsAroundWorld https://blog.ulifestyle.com.hk/blogger/dreamsaroundworld/**
