#London, UK #09/06/2013 倫敦地鐵間唔中就維修，尤其係星期日可能會有特別安排，要睇notice呀！仲有呀，倫敦地鐵有部份站係冇電梯㗎，拎行李就要俾d力喇！本來諗住去左harrods先既，落咗地鐵先醒起星期日晏d開，好彩未出閘，上返地鐵去hyde park underground: Hyde Park Corner 一出站係超級凍！完全低估咗早晚既凍！凍到不能再等要衝入hyde park買hot choc暖身。響hyde park周圍行下，真係大開眼界。個公園超級大之餘係有馬路，係真係俾馬行既馬路！見到好多人騎馬，大人小朋友都有，感覺好英國。 差唔多時間就一路行過buckingham palace霸位，路途中發現呢區真係好horse rider friendly，設計得真係好好。過馬路有個高度俾人騎住馬㩒既waiting掣。 響buckingham palace睇changing of guards，好彩都早幾多黎霸位啫，好快就好多人。 外國人對傷殘人士好好，開始前有騎警見到有人坐輪椅就叫佢坐出欄杆出面享受超高清景觀。等左好耐終於開始，好似迪士尼睇巡遊，d guards操得好齊好靚，仲有marhibg band。有d掛住以前操同練鼓既日子。 呢度附近好多松鼠，好cute呀！btw其實我地main build都有松鼠，不過好難見到。今日有應該係印度既節日，封左一條線俾佢地巡遊，拉住d花車載歌載舞。同一時間又見到有架玻璃白馬馬車，裡面坐住幾個著住公主裙既小朋友，好disney呀成件事，肯定好貴。 underground: Knightbridge 去返harrods，裝修冇想像中咁浮誇，不過冇錢買野都一定要去下個廁所。廁所大同有人服待就基本喇，洗完手有hand cream提供，口渴仲有蒸餾水斟，斟滿個水樽都ok。呢d咁既貴價地方我地d窮l係其他野都唔使睇㗎喇，淨係睇野食。野食其實都唔算貴，尤其bakery質素呢講可以算掋。我買左舊brownies食，好好味。嘩！我響harrods買得起野呀不得了！如果食多唔會濟真係想試多d款。 underground: Oxford Street 終於行街喇！發現一間超大sports direct。超大超平超多野賣！£2一個addi索繩袋，£3.49一個hockey match ball etc... OMG！我真的不行了！再行左好遠去聞名不如見面既Primark總店。Primark係類似forever21不過再平一倍既舖頭！仲要唔止大中細碼，係6-20碼！20碼呀真係大開眼界，其實20碼都幾掋買吖，懷疑d布整到2-3件6碼。又有碼又有得任試，唔啱又可以退錢任換，d料同款又算ok。唔使多講，買！如果唔係個grip仲有漫漫長路，後果真係不堪設想。shopping係女人既天性，結果我地血拼到拉閘。 買完再一路行去Trafalgar Square，去睇一間叫Cool Britainnia既舖頭，好多英倫風既精品，睇下都幾開心，買就有d貴喇。再行去唐人街，比想像中細好多，亦都唔算多野賣，最特別係街名路牌有中文。 點擊圖片放大 +6 搭地鐵返hostel見到有個伯伯響地鐵彈豎琴賣藝。街頭賣藝都可以係好有文化既。倫敦地鐵仲係專登畫左d位俾人表演音樂，一個城市既藝術文化，係可以咁溶入生活既。 **多謝大家嘅支持！Follow我嘅blog, Like埋我嘅fb page呀！ 追夢‧闖蕩‧看世界 https://www.facebook.com/DreamsAroundWorld https://blog.ulifestyle.com.hk/blogger/dreamsaroundworld/**
