#London, UK #08/06/2013 underground: Notting Hill Gate 星期六就緊係去趁墟喇！去Notting Hill既Portbello Market，附近算係豪宅區，好有格調。我地完全低估左呢度，原來係超大超多野賣！d野都幾有特色，價錢大部份都算抵買，行到勁hyper。除左古董仲有好多其他野同野食。響古董舖見到原始既hockey棍同lacrosse棍，真係冇見過。行到晏少少已經好多人，好似行花市咁。因為行程緊湊淨係得一個上晝行，行到唔捨得走。鍾意行街或者睇vintage野既，一日都唔會夠行。 underground: London Bridge 去Borough Food Market，好似淨係開星期四五六。嘩呢度仲多人！有好多攤檔賣唔同既野食，野食都唔貴，勁吸引。我地買左fish and chips同juice去旁邊間教堂出面既空地，嗰度已經俾人攻佔到好似星期日既維園咁。fish and chips係有得揀要咩fish㗎，都幾好味。咁啱有人結婚走出教堂，d賓客著到好傳統英式，帶d好靚好大頂既帽。不過我地呢班維園賓賓應該都幾破壞風景。 食飽行過Tower Bridge同Tower of London。天氣好好，個天好藍，令到風景特別靚。聽講倫敦好少會咁好天氣，永遠都係灰灰暗暗毛毛雨。 underground: Russell Square 出站都行幾遠先到大英博物館，嗰度真係好大，最正係唔使錢！要有質素咁睇其實幾日都睇唔哂，而我呢d冇乜文化更加冇乜時間既人都係到此一遊就算。睇完既結論就係英國係大賊。 關館出左嚟行，行下行下去左Leicester Square同Covent Garden，入左Thertre個shop睇，有好多ballet野，好靚。其實我真係覺得ballet tutu好靚。 買左Ben's Cookies食，新鮮既曲奇真係好好味[sumsumeye] 返hammersmith又去texco買叮叮野食，我個廚房呀！我要煮野食！ **多謝大家嘅支持！Follow我嘅blog, Like埋我嘅fb page呀！ 追夢‧闖蕩‧看世界 https://www.facebook.com/DreamsAroundWorld https://blog.ulifestyle.com.hk/blogger/dreamsaroundworld/**
