#Bath, UK #07/06/2013 又係響Paddington搭火車去, 即日來回。 Train: London Paddington -> Bath Spa (change：0) dur: 1:29 0930/1059 £26(return) online advance (ticket collection in any uk train station) Bath真係好靚好有特色，似古羅馬既小鎮。 趁時間尚早少人排隊入左Bath先，much more than expected. 除左個旅遊書成日影既水池外，原來仲有介紹哂成個運作system，有好多野睇，算值回佢十幾鎊既票價既。好彩早d入，一出黎已經排好長龍！ 跟著入bath abbey，如果有維修費既捐款箱我明，但唔明點解一間教堂要收入場費。個教堂天花有好多details，佢地好friendly咁提供有鏡既手推車仔你慢慢欣賞，唔使頸痛。教堂入面既工作人員著住件同hku 傳統undergrad academic gown- green gown一模一樣，只係變左藍色既gown。原來hku真係好英式。 出到黎響條橫街見到有生果攤，一大兜士多啤梨只不過係£1.99，仲平過香港。去旅行梗係多食生果身體好喇！而且咁掋真係冇拒絕既理由！ 坐左響tourist centre出面既小廣場坐底享受我地超甜既士多啤梨、街頭藝人優美既音樂、同來自tourist centre 既 free wifi! 由於住既hostel冇free wifi，所以呢刻既free wifi超吸引！ 上完網行上去royal crescent。經過一條叫gay street既街，really mean that? 行行下有少少落雨。去到冇乜人，如果冇落雨就好喇！一定要響撻大草地度坐下。就走既時候有個日本團到左，好多公公婆婆，感覺佢地好有禮貌，唔會大大聲嗌，唔會死霸住d影相位，冇垃圾筒會自己揾個膠袋掟住。尊重自己，係唔應該要求人地"包容“。 去完景點就係周圍蕩既時候見到有間西方傳統既christmas store。其實我真係好想知點解一間淨係賣聖誕野既舖頭可以長開而又揾到錢。遇到有狗仔俾入舖頭既主人挷響門口好乖咁坐定定，仲遇到有人拖住兩隻超級大隻既狗，我都應該唔算矮吖，佢地就咁企響度都到我腰！OMG! 好似睇discovery咁！ 行多陣等夠鐘就返london 點擊圖片放大 +2 train: Bath Spa -> London Paddington dur: 1:26 1813/1939 **多謝大家嘅支持！Follow我嘅blog, Like埋我嘅fb page呀！ 追夢‧闖蕩‧看世界 https://www.facebook.com/DreamsAroundWorld https://blog.ulifestyle.com.hk/blogger/dreamsaroundworld/**
