#Hong Kong #Beijing, China #London, UK #05/06/2013 我地五點幾就爬起身衝去機場攞機位，好彩攞到八點幾機位飛。Oh yes! 今次真係要飛喇！ Plane: Hong Kong HKG -> Beijing PEK Dur: 3:25 08:30/11:55 HKD5709.68 open-jaw return online advance (e-ticket) 北京機場（大陸）真係諗佢唔明，點解轉機都一定要過海關出入境？就算你只係響大陸轉機都記住帶回鄉證呀！ 去到無都真係幾煩！ 去多d其他地方既機場就會明點解香港機場咁高排名。北京機場d人做野真係奇高efficiency! 點解成半架機既人都係轉機都可是淨係開兩個counter，而同一時間有一堆海關響度無聊渡步。。。仲要再過過安檢！就係咁，我就奉送左響禁區買既翠華早餐，海關哥哥陰陰嘴偷笑。我個通粉呀！！！其實係咪佢想食呢？如果我買大家樂，命運可能因此改寫。 去到北京我地兩個同一個尋日一齊delay既香港女仔一齊hea。佢之前響英國讀書，今次自己返去探fd。響機場食下野，傾下計。話說我同H無諗過要響北京食野，湊揾成身都係得二十幾蚊人仔，本身諗住同新朋友唱多少少食好d，點知埋單個姐姐問我地俾人仔定港紙，港紙仲要一對一！梗係俾港紙喇吓嘛！立即八折！ hea hea吓又上機喇。 Plane: Beijing PEK -> London LHR Dur: 10:35 14:10/17:45 我個人真係好坐唔定，好彩呢程機比想像中易過，訓下覺，睇下劇，hea下咁就到左嚕！ 我真係踏足英國大地喇！其實應該係話英國本土，因為我係響英屬地出世既，出世紙寫得好清楚。 我地係飛Heathrow，有underground好方便。落機去買oyster card(即係倫敦八達通)搭underground返hostel。(Hostel會響另一篇介紹) 一條線直到hostel，好方便，好快就揾到喇！ 本來今晚book咗去Brown's Hotel high tea，去England人一世物一世，點都要試下English tea掛！好可惜因為delay我地去唔到喇=[ 冇得high tea都要爭取時間出去影相！ 搭underground出去Westminster，去到都差唔多天黑啦，日落又有另一番風景。上橋睇黃昏嘅Big Ben, House of Parliament, London Eyes, Thames River，呢個就喺如夢似幻嘅英倫。唔知係咪外國嘅天特別清，泰吾士河嘅晚霞都特別幻彩特別靚。 我地去左參觀麥記，d人成日講外國麥記好貴係高級野，梗係要去睇下喇！再過返Big Ben嗰面行多陣就返hostel，搞左咁耐尋晚都冇覺好訓，真係好攰。 夜晚返到Hammersmith發現間Tesco未關門！又話外國d超市好早關既？原來呢間係Tesco Metro, 一至六係開0600-2400! OMG! 好方便呀！唔使驚太晏返冇野食！發現野食就梗係入貨喇！ 返到hostel攰到一撻落牀就冇知覺。終於一切都安頓好。 其實倫敦同香港真係好似，只不過係冇左d中文字，交通燈、馬路d線、路牌都係咁既樣。只係六月頭嘅英國早晚其實都重幾凍，我地着少左衫。 **多謝大家嘅支持！Follow我嘅blog, Like埋我嘅fb page呀！ 追夢‧闖蕩‧看世界 https://www.facebook.com/DreamsAroundWorld https://blog.ulifestyle.com.hk/blogger/dreamsaroundworld/**
