就黎冬天，朝早越來越懶得起身，撞正要出婚禮job,甘真係情願唔瞓。如果女人可以唔使化妝,甘我真係慳返好多時間瞓覺。雖然我都唔係經常full make up架啦~但頭眉就點都要畫,唔畫有咩後果? Mmmmmmmmm......同無著衫出街無乜分別。(唔好話我知你會好enjoy!哈哈!) 講起頭眉，原來長期修眉都會令眉毛無法生長，患病也會令眉毛缺失，如斑禿的患者，會因斑禿而令眉毛及眼睫毛脫落；甲狀腺素功能失調的患者亦會有體毛脫落現象，但嚴重程度則因人而異。此外，正常生理老化衰退，會令長者眉毛稀疏或變白，眉形漸失。 之前有諗過植眉，因為宜家有種「單毛囊眼眉毛植入手術」，從後尾枕部位，將少部分的頭髮連頭皮取下，再將之植入眼眉位置。由於眉毛為單一毛囊結構，醫生會將頭皮內的頭髮毛囊，小心地分割為單一毛囊單位，然後將分割好的毛髮，逐根植入預先畫好的眼眉位置。 點植入去就睇你想用鉗夾住毛囊,喺頭皮開一個小孔植入去定係用植入器(好似針筒甘)將頭髮放入坑中，然後注射入頭皮中，植入器的種類，分別有單髮植入、雙髮植入、多髮植入，可一次植入四條頭髮，速度相對快很多。其實我好想試，但又怕痛,兼好貴,係逐條逐仲甘計! 唉~算吧啦~小妹我還是繼續我的畫眉生涯吧!
