以前去紅磡食串燒多數只會食美味佳，但原來紅磡仲有好多比美味佳更高質嘅串燒店㗎 唔好睇串門子佢舖仔細細，但食物款式包羅萬有，仲有好多其他串燒店冇嘅特食小食添，所以我同男朋友毫不吝嗇咁叫咗超多嘢食，誓要試盡佢嘅特色菜。我哋一致認為佢最basic嘅肉類同菜類串燒水準其實麻麻，而羊、牛串燒口感仲有啲硬，所以今次會介紹嘅反而係其他小食 燒法式鵝肝多士個多士搽左焦糖醬，食落甜甜地，又甜又脆嘅多士夾埋入口即溶嘅鵝肝，令味蕾有多種享受，唯一美中不足就佢凍咗小小 汁燒原條魷魚筒魷魚爽口旦牙唔會太硬，每一啖都沾到燒汁既味道，好食過居酒屋多多聲 超美味玉子燒佢有美味玉子燒同超美味玉子燒，多個超字價錢又一樣，好似勁啲咁，所以就簡左呢個啦，食落好厚實、蛋味濃郁，有小小似雞蛋糕咁 清酒煮花甲清酒味道愈食愈濃，花甲食落啖啖肉，但感覺吐沙處理方面就未係好好，有幾粒食落都仲有啲砂粒 超邪惡芝士燒茄子多數串燒店都係得蒜蓉燒茄子，所以就決定要試吓呢個芝士燒茄子，冇諗過原來芝士同茄子都可以咁夾，覺得如果加埋落烏冬一齊食應該都幾正 烤原條烏頭魚呢條烏頭魚肉質鮮嫩，加埋超多香口嘅蔥同蒜，簡直香鮮味美呀 串門子評分：8/10地址：紅磡必嘉街87號 Follow me:Instagram: https://www.instagram.com/miki.dreamland/Facebook: https://www.facebook.com/mikis.dreamland
