不嬲都好鐘意食烤魚，但又唔想上大陸，好彩最近比我發現尖沙咀都有好好食嘅烤魚!!! 唔知大家知唔知，冒菜係四川菜之一，喺四川，食物需要做到頂級，先會被人尊稱做烏蠅館，而我覺得呢度嘅烤魚，算對配得上呢個尊稱。 餐廳門外嘅招牌帶有一點文青氣息。而且餐廳入邊都有個大櫃擺放咗好多茶具，顯出一陣古色古香嘅風味。 呢度有多寶魚($228)、三刀魚($288)同龍躉魚($338)三款魚揀，店員好用心咁介紹三款魚嘅特色，今次就揀咗魚肉比較滑嘅龍躉魚，醬汁就試咗蒜香醬，套餐仲有加送黑木耳、芋絲同金菇，但因為店員話龍躉魚會比較細條，而我同男朋友咁啱都係非常肚餓，所以就叫多個娃娃菜、雞脾菇、韮菜餃子同火鍋麵。 作為菇控，就緊係要叫返個雞脾菇啦! 娃娃菜份量好多，差不多枱枱都叫! 韮菜餃子個皮好薄,我估係自己包，而且餃子本身都已經熟，碌幾下就食得，岩晒好肚餓想快啲食野嘅我哋。 男朋友強烈推薦我試火鍋麵，其實我都唔知火鍋麵係咩，不過佢講到好正咁，就一於試吓啦!!佢個賣相好似公仔麵，但口感比公仔麵更煙韌，食完都想再n call 食食下覺得口喝，再加叫咗杯檸檬蝶豆花，佢唔單止顏色鮮艷，味道酸得嚟帶點清香，好味又止渴。 烏蠅館 地址﹕尖沙咀亞士厘道38號天星大廈1樓B舖 Follow me: Instagram: miki.dreamland Facebook: miki’s dreamlad
