上星期去咗隱適美體驗館出席活動，令我對箍牙有咗更深入嘅認識。 一入到體驗館，就會見到Smile View 展區，呢部機器可以分析每個人牙齒形狀嘅大細，模擬完成療程之後嘅效果。 而Aligner Bar呢度都放咗好多唔同類型既真實個案，職員講解話每副隱形牙箍只需配戴一星期，之後就可以戴下一副牙箍，而每副牙箍會逐少逐少咁改變牙齒嘅排列，最重要嘅係，真實用家Emily分享話，成個箍牙過程都唔會有任何痛楚，真係令人好心動! Emily仲話，好多人誤以為箍牙可以令塊面瘦啲，其實呢個只不過係美麗嘅「都市傳說」，但的而且確嘅係，當牙齒變得更整齊時，你就可以露出充滿自信嘅笑容，人都變得靚啲啦! 喺認識完箍牙療程嘅有關資料之後，我哋就開始學整皮革啦，今次係我第一次學整皮革，呢個活動比我想像中困難，可能我係女仔，比較細力，每個縫針嘅步驟我都要出啲力吉枝針落個窿度，整到手指都痛埋，不過我覺得皮革真係好好玩，做完好有滿足感，而且皮比較硬身，感覺係整出嚟嘅嘢會比較耐用。 拎齊材料，第一步就先刻自己鐘意嘅圖案，呢個步驟最易同最好玩。 之後再專心聽老師教導，其餘嘅步驟都好考縫針技巧。 經過一大輪努力，我嘅第一個皮革製成品終於誕生啦!!! 隱適美體驗館會不定時繼續推出各種體驗班，如果大家都想有愉快嘅體驗，可以留意Invisalign Hong Kong 隱適美嘅網頁、Facebook同Instagram: 網頁: http://www.invisalign.com.hk/ Facebook: https://www.facebook.com/HKInvisalign/ Instagram: https://www.instagram.com/invisalign_hong_kong/?hl=zh-hk
