好耐之前都有聽聞過坤記嘅煲仔飯好出名,早幾日夜晚去咗食,本身見到有小小人排隊,都猶豫緊仲食唔食嘅啦,因為個刻都有啲餓,不過一場嚟到,點都試吓啦。但呢個決定係錯㗎!!等咗成個半鐘先有得食,真係唔餓都等到餓,催咗侍應好幾次,佢嘅回覆只係﹕「煲仔飯係要等耐啲㗎!」有兩三枱客人都等到黑晒面,有幾位等咗成個鐘食物都未到齊,就埋單走,雖然出名,但上菜速度認真有待改善呀!! 臘味排骨飯 味道尚可接受,臘腸潤腸唔會好肥,但排骨就真係肥咗小小,飯焦都算多,味道香口 白鱔田雞飯 個白鱔係唯一令我唔會後悔嚟嘅原因,煮得好腍,索埋啲鼓油仲惹味,但田雞就得3隻,份量小咗啲 坤記煲仔小菜 地址:西環西營盤皇后大道西263號和益大廈地下1號舖(西營盤站 B1 出口) Instagram: miki.dreamland Facebook: miki’s dreamland