女人要keep住健康年輕，就絕對唔可以懶，除咗要有均衡飲食、多做運動之外，仲要戒掉懶惰嘅壞習慣!有好多日常生活嘅小習慣，都會一步一步咁危害你嘅身體同埋皮膚，要拯救自己，就要向壞習慣說不! 出街唔搽防曬 以為坐喺office成日，唔出街就唔會曬黑? Nonono! 電腦輻射會產生靜電磁場，而室內嘅燈光都會散發唔同波長嘅UV光線，令皮膚黑色素增加。如果做完激光嘅人士，就更加要做好防曬保護皮膚呀，因為激光會對皮膚造成一定程度嘅破壞，影響到皮膚本身的屏障、保濕、抗炎同防曬功能，所以每次我就完激光脫毛，激光師都會不厭其煩咁再三提醒我連續一星期都要搽防曬。 不徹底卸妝 好明白出咗成日街，返到屋企實會攰到乜都唔想做，但就算點攰都好，卸妝呢個神聖嘅步驟就真係冇得馬虎，更加唔可以skip!! 因為化妝品留喺皮膚太耐，就有機會阻塞毛孔，而我自己都試過因為馬虎卸妝，第二日一起身就生暗瘡。 唔清洗化妝刷具 化妝刷具用得耐，就會堆積好多化妝品殘渣，容易滋生細菌。我之前都好唔重視清洗化妝刷具，結果我發現因為化妝掃有太多其他顏色，所以點化都化唔到自己想要嘅顏色，最麻煩嘅係，可能枝化妝掃真係有太多細菌，令皮膚出現敏感同出暗瘡嘅問題。 唔用手洗內衣褲 由青春期開始，媽咪就經常叮囑我要用手洗內衣褲，因為內衣褲係最貼近肌膚嘅衣服。大家試想像一下，內褲有時會沾上分泌物，如果將內衣褲混埋其他衫同襪一齊放入洗衣籃，等堆滿一籃衣服先放入洗衣機洗，喺呢個過程，內褲就會混合埋襪嘅腳臭味、衣服剩留嘅塵埃，甚至係洗衣機嘅細菌， 就算清洗完畢，諗起呢個細菌大混集嘅過程，你仲敢唔敢著呢條內褲…… Instagram: miki.dreamland Facebook: miki’s dreamland
