好多時候明明食到好飽，但講起甜品就會打開埋另一道神秘既胃門。 家住新村，鄰近的弘大理所當然係經常流連的地方，晚飯過後永遠都需要加一點甜才能足。 No.1 마망갸또 (카라멜빙수 焦糖冰) 講起冰，就不能不提起呢個焦糖冰，望到已經覺得興奮，本身好怕食到一半得反d冰，點知原來d冰中間有好多果仁! 一路食一路淋caramel, 真係食到停唔到口。冰既隔離重會有幾粒原粒caramel, 我就鍾意好野留最後食晒d冰先食！^_^ No.2 프랑스에 다녀온 붕어빵 (고구마 크로아 상 빵 蕃薯Croissant鯛魚燒) 食開普通既紅豆鯛魚燒，行過見到有間店個名係"去過法國既鯛魚燒"。太好奇！即刻揀左蕃薯口味黎試，其實係鯛魚燒樣，牛角包既酥皮面(咬落去我覺得有一種麥牙糖餅既感覺，反而唔係你諗既酥皮)裡面包著甜甜的蕃薯熔而製成既法國回流鯛魚燒。唔鍾意蕃薯的話可以揀紅豆或蘋果芒果，再唔係揀冇餡都可以。(無餡都好味:-D) No.3 LIMBURG ( 누텔라아몬드와플 Nutella Almond Waffle) 呢個Waffle可以話係成日都會諗起又會想去買黎食的，點解？烤到剛剛好的Waffle再塗上一層厚厚的Nutella, 老闆重會好細心係Waffle既每一格上面都放左粒杏仁落去，務求令你咬下去每一口都會有一顆杏仁。噢，太滾動太澎湃了! No.4 MOBSSIE ( 바로구운 초콜릿 케이크朱古力心太軟) 只售賣朱古力甜品的甜品店。本身由一間小小既店變成左而家一樓賣take-out,二樓係堂食！聽講而家好多旅遊書都有介紹呢間店。我基本上每次黎都係會叫返同一樣野 - 半熔化的朱古力蛋糕(即心太軟)，朱古力蛋糕表面焗到硬硬地，重會有一塊小朱古力插係上面，挖深一層，蛋糕入面既朱古力開始流出黎。。。。哇！不得之了！
