回香港後，很少食韓國菜，因為在韓國一日三餐韓國菜食了個幾月，不吃辣的人表示很怕。 二來香港食韓國菜偏貴，唔抵食。是日朋友生日，首嚐源自釜山的OUTDARK，非常有驚喜！服務態度好好！岩香港人口味（岩只食得微辣的人＝我），抵食，芝士Ｘ炸雞，正！ 暫時係回港後出名的韓國餐廳之中，會再想試的一間。 環境： 環境昏暗或者有個浪漫學名叫有情調。留意返，受環境影響，要影有人樣的相比較困難（除非閃光燈）。唔會好嘈，傾到計。當晚旺角分店冇限時，六點入去有位。香港店有得玩情人鎖同寫信比未來自己($10)。兩者都要比錢，不過後者幾有心思。 服務： 在韓國，幾乎每間餐廳（即使西餐）都有醃蘿蔔同泡菜提供，比起泡菜，我更愛醃蘿蔔。 韓國餐廳醃蘿蔔同泡菜可以添加，OUTDARK繼承左韓國呢個優良傳統 (某些香港韓國餐廳是不會的 )，全晚總共比左三碟醃蘿蔔我，全部都係店員主動問我架，我唔識拒絕咋。 朋友Ｌ是個茄汁怪，食炸雞佢問店員有冇茄汁，店員（男，韓國人）整左碟心心茄汁出黎，第二次添加整左個哈哈笑，然後.. 沒有然後。 主打－芝士肋骨鍋（香港限定） 可選芝士肋骨鍋( $322) / 芝士肋骨鍋 ($332)，味道可選：小辣／辛辣，同樣有四款小食。然後可以選配年糕串／沙律／自己動手做飯團。因為點了炸雞，所以我們選微辣芝士肋骨鍋＋自己動手做飯團！店員說豬肋骨大概有九件，一般女仔吃還算足夠。 店員會先把芝士不停撈，半融後會示範吃法： 先把肋骨夾起，再把芝士拉起，再捲起來就可以了。店員都好NICE 會問你想自己試捲定幫你捲好。然後還說芝士可以免費添加！！！！（對愛芝士控來說太感動了，之前芝士雞煲加一塊芝士$8 ...) 點擊圖片放大 +2 介紹返個鍋 (圖為自行製作) 韓國雞蛋卷：上圖係剛開始上菜影，未熟，店員說可以先吃這個。奉勸半熟可以吃，我們都忘了吃，結果熟到變老蛋！注：蛋內含青、紅椒。 黃金薯蓉：店員（又店員，服務好麻）話韓國人鐘意食蕃薯，所以用黎整，少食薯仔。甜甜地，清清地，幾好味。 芝士X肋骨：芝士係奶味較重Mozzarella 及 Cheddar（資料由店員提供），拉極唔斷，芝士控會鐘意！肋骨用左韓國甘草同香料一齊煮，食落冇藥味，甜甜地，唔係得個辣字。想吃肉的建議點炒雞。 奶酪粟米：即係芝士粟米，你想像到，甜甜地。 炒泡菜：加左芝麻，好香，不太辣。 主打２－炸雞 炸雞六款：原味、甜辣、蒜味、醬油、辛辣、咖喱$168- $183， 自選炸雞$192。 我們自選蒜味同醬油味，配四種醬料：辣、咖喱、蒜、仲有個甜。(其實唔太記得，韓國男店員介紹）醬油味道唔重，唔太食得出蒜味同醬油味，但肉質唔乾，相比下覺得RED CHICKEN 炸雞好味D (環境就... )。但薯仔一家：厚切薯角、薯條、薯格交到貨！仲灑埋個芝士粉，好味！份量冇欺場！ 自己動手做飯團 自已動手做飯團：價錢（芝士鍋附送） 會提供多對手套，有得玩有得食，紫菜、芝麻、飯呢個組合幾時有輸過，好香，飯唔硬唔軟岩岩好。點解上圖唔似飯團，似粒骰？因為比朋友搶哂食囉。 驚喜位 冰凍的酒 Outdark 在香港有兩間分店，一間尖沙咀，一間在旺角，我們去的是旺角分店。注意！旺角分店暫時沒有自創的冰菓米酒（朋友說好好飲），亦沒有酒精飲品，所以店內有可愛道歉告示，寫明可自行攜帶酒精飲品！生日點可以唔飲酒？！於是朋友落街買酒（枝裝），然後店員主動問我地要唔要杯，然後經理OPPA （韓國人，只識講韓文英文，好NICE）拎出黎係雪到好冰凍的啤酒杯！好貼心！仲幫我地收走包裝垃圾。 OPPA的生日歌 食完所有野，兩個店員同經理OPPA 拎住點好蠟燭生日蛋糕走過黎 （事先買定，會幫你雪，不收切餅費，到時會幫你準備好哂拎出黎。離題：蛋糕係東海堂抹茶蛋糕，好好味） OPPA 問我朋友：要聽韓文生日歌嗎？ 朋友霸氣地回應：ＮＯ。 哈哈，然後店員就提議唱中文版，大家一齊唱，氣氛好好。唱完，經理OPPA問：不如幫你地影合照，好貼心！自己都唔記得左。女店員講笑問要唔要同OPPA影，話佢係鎮店之寶。 總括：OUTDARK 店員都好NICE，成間店睇得出好用心經營，用料醬料都係韓國直送，會想再去。 --------------------------------------------------------------------------------------------------------------------- 齊來長知識： OUTDARK 源自釜山，由當地大學生 Robin創立，本身做外賣炸雞，做到約30分店。在釜山有見過，但冇食過，無法比較，不過芝士鍋係香港獨有。而且首爾得一間分店，香港已經有兩間啦。 1) 尖沙咀厚福街8號 H8大廈17樓全層 星期一至四: 17:00-02:00 星期五至日: 12:00-15:00; 17:00-02:00 2) 旺角彌敦道613號飛達商業中心2 樓
