剛看到篇文章，作者的朋友常對他說：「你成日去旅行，一定好有錢錢錢錢錢。」 作者回覆：其實一切源自選擇。 我深感認同，反正買不起樓，我點解唔睇少幾場戲，買少Ｄ化妝品，去多幾次旅行？ 而且旅行並不一定豪＝盡興。 人人覺得去日本至少準備一萬，其實計劃得好，十日大阪京都喪買都係八千港紙！今次八日九洲喪食都係六千五(講緊包機票住宿交通所有洗費)， 但絕對唔係窮遊！依然每日食早餐食宵！ 一餐午餐晚餐百幾二百蚊港紙，買埋SHISEIDO唇膏、SHISEIDO胭脂、RMK、其他藥妝，零食，手信，玩長崎、佐世堡、 熊本、小、 門司港、由布院、博多。我唔會叫呢個六千五豪遊九洲，因為唔係住五星級酒店，唔係食五六百一餐，但一定係放縱之旅！想食就食想買就買！ 旅行，唔一定係萬幾，幾萬先去到，先玩得舒服，一切源於選擇，態度。 慳錢 /旅行攻略： *住宿: 八日旅程有六日同朋友一齊玩，所以頭六日住HOTEL雙人房，之後兩日一個人住HOSTEL。 住宿: 博多 Hotel Sky Court Hakata 呢間係二星級酒店仔， 細但乾淨，五臟俱全。 最緊要地係博多車站祗園附近，超多食肆，兩晚去附近景點行就得，約十至十五分鐘，慳交通費。去福岡機場搭地鐵只係¥260！（不過亦有缺點，稍後詳細介紹） 價錢：HKD210 (一人一晚 ) 雙人房 X 5晚 = HKD 2108 一人 X 5晚= HKD 1054 住宿：博多 Khaosan Fukuoka Annex 考山福岡附樓旅館 背包客最愛！唔好以為係青旅就一定比酒店差，日本青旅好乾淨好舒適。呢間係京都、東京有分店，之前係京都住過唔錯，見博多有分店即刻再試。女生六人房，地方非常大，房內有洗手間，儲物空間又大又多，仲比上面間酒店舒服。STAFF靚仔又好（非重點），離博多站十至十五分鐘。（有興趣再詳細介紹） 其實如果對住宿唔高要求，最緊要乾淨，特別係廁所！又要近主要車站，除左高級酒店，仲有好多選擇，例如HOSTEL。因為我係出發前兩日先搵住宿，所以好多又平又唔錯的住宿已經冇位。今次係第一次住酒店。 價錢：HKD195 (一人一晚) 女生六人房一床位 一人 X 2晚 = HKD390 交通：JR九州鐵路周遊券（JR九州Pass） 日本最複雜係交通，最貴都係交通。九州係鐵道迷必到地方，搭JR基上可以玩哂成個九洲！不過一程JR好貴，但用左JR PASS 就慳返好多。 九洲 JR PASS 1. 按地區分成：北九州版 及 全九州版。 2.按日數分成：3天 及 5天。 北九州版：3天 ￥8500、5天 ￥10000 全九州版：3天 ￥15000、5天 ￥18000 兩者分別／使用範圍：http://www.jrkyushu.co.jp/chinese/railpass.html 1.憑車票使用期限內，可在有效區間內任意乘坐JR或新幹線一般指定席或自由席。 2.憑車票可享部份餐廳、飯店、景觀設施門票優惠，優惠按此連結。 ** 以上資訊取自JR官網及小氣少年網誌 我買左北九洲5天版，因為時間有限，而且北九洲已經好夠玩。 第一日：晚機到達九洲，博多車站閒逛 (機場-博多 ¥260) 第二日：博多 ( 步行，不需PASS) 第三至七日：( 九州PASS ) 第八日：離開九洲 (博多-機場 ¥260)
