之前話尋夢雲返到香港之後, 見到有其他人分享用歐盟條例claim flight cancel的賠償 諗起個日係法國打電話俾法航又冇人聽... 佢地俾ge資料又錯... 朋友仔都搵咗好耐先搞到個種心情.... 我地決定向航空公司申請賠償! 上網 search過資料唔多, 但反而搵到好多website話可以幫處理申請賠償... 咁當然佢地會係成功申請後收取一定的handling charges, 我睇過幾間都收賠償額的30%.... 但我地都係抱住試下得就有, 唔得就算的心態..... 於是決定試下自己搞!! 首先去歐盟的website睇清楚係唔係符合申請條件 https://europa.eu/youreurope/citizens/travel/passenger-rights/air/index_en.htm check完之後, confirm我地真係可以申請賠償之後... 我地就download歐盟份official form, 填晒所有資料之後就sent返俾Air France~ 咁之後就開始等~~份official form上面有寫airline係6個星期內要覆返到底佢地接唔接受呢個索償....... 如事者, 我地等咗6個星期都收唔到Air France的reply... 佢地又冇一個email address 可以send email去問下進展.... keep住只可以係message box留comment... 終於....尋夢雲忍唔住...無論得唔得都要有一個答案... 交form之後的第8個星期決定打電話去問... 出奇地好順利就搵到真人對話, 同CS 簡單講咗情況之後, 佢應該即刻去draw返個request出嚟 CS一開始就話我係同本身返到香港的時間差唔多, 但就去咗首爾轉機... 我都好直接話係啊, 因為你地話我唔咁轉要3日後先安排我返香港... 而重點係3日後又罷工... 佢話明白, 但睇返我係早咗6個鐘上機....如果咁的情況, 佢地會賠ge~可以揀要Air France coupon或者 Cash. 我就揀咗cash, 雖然金額會少咗, 但可以keep返flexibility唔一定要搭佢~~ 不過... 咁樣我地又要開始等~~~~~因為佢地要30-45 工作天去出票~~ 最後~最後~~我地成功收到佢地張支票啦!!!!!!!
