本身我係想同大家分享今次係大阪住民宿的經歷先~~ 但後來諗諗下會講到民宿的位置同會有相.... 好似問問屋主先會比較好~ 宜家有屋主的同意~~可以放心同大家分享~~ 大家都知日本的酒店價錢唔太friendly... 而friendly個D又好 "精緻".... 住酒店的好處就係check-in之前同check-out之後都可以store luggage 同埋有人每日執房~ 基於可以store luggage, 我地通常都會住酒店~~ 不過今次係朋友仔介紹之下, 就第一次試住民宿!!!!!! 去旅行揀住的地方~~~通常地點都係其中一個重要考慮的因素~ 我地今次住的民宿係日本橋同谷町九丁目中間, 所以搭地鐵可以係呢2個站落車都OK~ 好似我地係機場出嚟, 就揀咗係谷町九丁目落車行過去~ 除咗近地鐵站, 另一樣都會諗佢會唔會近其他想去的地方~~ 去得大阪一定離唔開必去的心齋橋同黑門市場!!!! 係黑門市場... 好容易會有選擇困難症.... 又或者好想買下生果咁~ (其實講緊自己) 同民宿距離大約5-10分鐘的距離, 所以我地可以返去放戰利品再出去~~ 而行去心齋橋都係15分鐘左右, 所以幾乎每一晚都會行下個邊先捨得返去!! 最誇張係~~我地試過夜晚10點幾過去食宵夜~~~hahaha~~ 去到個日已經7點幾啦... 屋主一早已經同我地講過大廈的正門7點就會lock... 所以我地就要係後門入, 上到去真係有少少返屋企的感覺~ 我地2個人住入到去覺得真係好大~~hahaha~~ 有2張雙人床, 重有張日式的小枱仔係中間, 可以坐係度睇電視同食嘢~ 屋入面有2架單車 (好似唔係好影到)有埋鎖, 屋主放係度話大家可以隨便攞去用!! 我有諗過踩去道頓堀, 不過小火龍唔俾...一來大家都好耐冇踩唔想整親, 二來怕整唔見... 去到的時候, 毛巾放咗係床上面~屋主提供一大一細毛巾俾每個住客~ 屋主話呢度其實可以住4-6人, 所以床下面重有床褥~~應該拉出嚟就可以加多2張床用 除咗矮枱仔之外, 床的旁邊重有一張枱~~重有埋座枱鏡~~ 所以女仔可以好似我咁將個度當成化妝枱, 所有化妝品擺開晒都冇問題~~XD 之後~~沖涼房同洗手間係分開~~就好似日劇個D咁~~ 我地以為住民宿就要自備所有的梳洗用品, 但屋主已經準備好所有shower, shampoo abd conditioner~ 我個人覺得就算唔啱用, 都係一個值得加分的地方~~ 廚房就比較迷你, 不過由於民宿的位置近道頓堀, 我地都prefer出去食多D~~ 反而對我地比較重要ge係雪櫃~~ 但我地睇個廚房其實有煮食用具同餐具都有齊, 如果有小朋友要煮嘢食應該都問題不大~ 後記~ 第一次的民宿體驗真係ok, 價錢合理, 五臟俱全~ 值得一夫係屋主~~佢真係好nice, 我地今次呢個旅程改過日期... 佢都冇話覺得我地係玩... 改完又再幫我地check availability... 當有其他人問的日期同我地撞咗, 又confirm我地到底book唔book先!!! 而且俾我地資料好清楚, 有埋video教我地點去, 點攞鎖匙咁~ 入住之後, 佢都有send message嚟問下我地情況ok唔ok, 有冇乜嘢地方有問題咁~~ 我地回程係夜機, 咁啱民宿重有時間安排清潔同下一個booking, 佢就冇加我地錢俾我地delay check-out!!!!!
