話說出發前就算點樣冇準備, 都一定會上網睇下有冇好介紹~ 係一個偶然的情況下, 俾我搵到呢間迴轉壽司店~ 據網上的介紹, 佢應該有好幾間分店~~根據我的行程, 我揀咗新宿呢間! 認真的...我真係好想同大家分享由新宿站行去要幾耐..... 奈何一舊雲的我...完全陷入迷失新宿....行到差D放棄想等小火龍帶路.... Anyways~~我跟住google map飄下飄下~~都飄到去~~ 一入到去已經有大約10個人係店入面排緊隊....入面唔係好大, 有3個師傅係店的中間整壽司~ 我一邊發夢一邊排隊....見到店入面係以日本人居多~~見住一碟碟的壽司係度轉轉轉..... 嘩~軍艦上的吞拿魚蓉滿到瀉!!!! 大約等咗半個鐘, 終於到我啦~~ 由於地方有限, 枱下面做咗櫃桶 (即係好似學校枱個D)俾客人放袋~~ 另外牆上都有D 勾, 應該係冬天俾客人掛外套~~ 另一邊的牆上面精選推介, 同埋display唔同顏色碟話俾大家知乜嘢色係幾錢~ 事不宜遲~~~要開餐啦~~~~~ waitress姐姐起初冇為意我係遊客...直至我指住人地碗miso soup落order..... 佢即刻俾份英文menu 我, 重同我講有需要可以搵佢~好nice!!!!! (其實d壽司係2件為一碟, 但我成日都食咗舊先影~~~hahaha) 點擊圖片放大 期間有一段小插曲~ 就係師傅截住迴轉帶上的壽司, 準備放剛剛整好的上迴轉帶.... 點知有一碟跌咗係個外國人面前...師傅同waiters都見唔到... 個外國人自己執咗...個樣唔知點算....好彩佢隔離對日本夫婦見到~ 佢地同waiter講, waiter就即刻say sorry同執返好~
