今次同小火龍(暴龍玩咗Pokemon之後話自己係小火龍....hahaha)遊東京 因為我會放假先,所以有2日獨獨遊~ 一個人又好似唔駛住酒店....同小火龍商議完之後,決定獨獨遊個2日住capsule! MyCUBE by MYSTAYS Asakusa Kuramae位於藏前站A2出口隔離、A4出口的對面 行去淺草都係大約15分鐘咋,而且樓下就有McDonald、便利店sss~~十分方便! 因為capsule以share的位置居多,所以唔方便影相.... Reception位於2樓,同層重有Lounge~~如果夜晚買咗宵夜不妨係度食!!!! 我第2晚就坐咗係度睇劇、食雪糕~~ 呢度男女係分開唔同的樓層,而我今次就住係8樓。 Capsule方面會準備咗一袋東西放係床度,入面有毛巾、睡衣、牙膏同牙刷。 除此之外,佢地亦都已經準備咗2對拖鞋(一對係膠的,另一對係棉的)。 床頭有充電位同小locker,床邊有張可摺的小枱~ 至於luggage呢,就可以放係床下面。出去的時候可以鎖起~~ washroom方面呢,除咗shower、shampoo同conditioner,重有獨立包裝的卸妝、洗面、lotion、toner、梳etc....基本上女仔需要的梳洗用品都有~~~ 要提提大家就係: - 每日都會有人執床同俾套新的毛巾同睡衣 - capsule附近都係住宅為主,所以夜晚會靜d... - 始終唔係獨立房,所以盡量都要靜dd。如果要執喼的,盡量早少少唔好嘈到其他人。 Anyways,呢個capsule體驗真係唔錯~~