可能大家會好奇怪....去曼谷都要day tour!!?@@ 話說同尋夢媽去曼谷，但當地有好多水上市場&鐵路市場... 2個人包車又好似貴咗少少...於是我就突發奇想...join day tour!! 今次我地join Klook的曼谷day tour~~ 行程包2個水上市場、1個鐵路市場、樹中佛寺、泰拳公園同睇螢火蟲。 留意呢個係weekend團，平日好似就無~ 當日早上8:30到BTS Asok附近的Exchange Tower集合。 我地食完早餐，比集合時間早了5-10分鐘到達。已經見到有D人係度等! 之後當地負責接待的人就到，大約有30人左右參加~不過會分做大約10人一小團，每團都有1個導遊1個司機~ 我地個日個領隊係一個泰藉中國人，全程用普通話講解~ 佢都好nice ga, 佢會同我地分享泰國一d本地的趣事~~就算我地問d同行程無關的嘢，佢識都會同我地分享受! 當日行程的第一站係丹能莎朵水上市場! 係呢個水上市場我地會搭個d船仔(導遊話係叫手搖船) 其實呢個水上市場有2種船仔~~1種係用摩打，另一種就係人手挺~~ 既然我地個隻手搖船，當然係後者!! 河道2邊有好多唔同的商店，熱情d的店主會主動拉我地隻船仔過去... 如果唔係，都係我地有興趣先叫船家搖過去 其實大部都係賣一模一樣的紀念品....我地都興趣不大 其實過程都幾曬架，所以記得一定一定要搽防曬同帶帽 (不過我係唔鍾意帶帽)!! 坐完船仔，我地大約有個幾鐘的自由時間~ 尋夢媽同我就係個邊試咗地道的泰式粉、3色芒果糯米飯同泰式奶茶 點擊圖片放大 之後我地就轉地點~~美功鐵路市場! 聽導遊講美功鐵路之前維修，剛剛先開返ga ja!!so lucky!! 呢個鐵路市場特色係商店緊貼地開係鐵路兩旁，每當火車要通過時，各店主會把帳篷收起，而遊客則會與火車擦身而過 當火車通過後，所有的帳篷又會如常地開返!! 我地到達後都係自由活動大約2個鍾，導遊係分開活動前同我地講咗火車大約的到達時間，要自己預返時間去睇! 尋夢媽同我本身係一間地道小店飲緊冬蔭功，突然店主同我地講火車到啦.... 店主係信得過所有食客人，佢會由得大家出去睇完火車再返入去繼續食。 睇完火車又一身汗....冇乜心機行....於是我地試下去集合的地方睇下架車到未 佢地已經到咗，架車已經開晒冷氣等我地!!! 因為尋夢媽同我係唔頓用傘遮太陽，導遊一見就過嚟遮我地!!!very nice!!! 之後就去樹中佛寺，其實導遊有同我地講過個傳說.... 不過我唔係太記得....我淨係記得個度有個樹神神像每日都會換唔同色的衫 大家對佛寺的興趣都不大...所以好快我地就集合~~~ 集合之後...今次唔係上旅遊車~係上一架叫雙排車~~~ 其實佢係kind of 泰國巴士，導遊話因為我地係包車，所以坐得舒服d.... 如果唔係....雙排車坐10-12人...重會有人企中間.....車尾都會企2-3個...完全唔敢想像.... 大約15分鐘，我地就到達安帕瓦水上市場~ 對比丹能莎朵水上市場，呢度多d唔同的嘢睇。今次就唔搭船，純粹係2岸行下，自由時間都有成2個幾鐘~ 兩岸沒有太多的紀念品賣，反而有一些食市同地道的boutiques~ 我地都有d累....所以行咗陣就入咗間coffee shop度坐... 呢間coffee shop都幾特別~~入去前要脫鞋，之後入面d坐墊係可以俾你訓係度!! 話咁快又到集合時間~~我地就準備登船去今日最後的一個活動...去睇螢火蟲!!! 尋夢媽係未睇過...我先決定參加呢個會玩到夜晚ge一日團!!! 沿途其實都有d擔心會唔會睇唔到...終於終於!!!!!!睇到la!!!!!! d螢火蟲係樹上閃下閃下....d樹就變到好似 聖誕樹咁!!!好靚!!!! 之後我地上返旅遊車返曼谷laaaa~~ 後記: 有時自由行就係需要呢一類的day tour來配合一下行程, 尤其係2人行.... 不過選擇的時候最好睇多d comment....了解多d目標的day tour~ 我今次的選擇其實都搵咗好幾個去compared，好彩的尋夢媽都幾滿意~~ 畢竟呢個團的自由時間真係好夠，絕對唔駛"趕行程"!!!
