水上電單車初體驗，去布吉嗰陣呢就有個機會免費試玩水上電單車，如果畀錢我係唔會玩㗎，我唔係唔太鍾意！不過免費畀我玩，緊係試下啦！咁我就唔自己開車啦，等啲熟手技工 車我啦，其實我哋就喺沙灘都認識， 傾下傾下計咁就佢叫我試下，咪跟左佢出去，其實我游水唔叻，未試過真係個沙灘度游水，佢就咁就帶咗我出去，冇著救生衣咩都冇！ 其實出去嗰陣堅驚架，加上佢係日日都揸日日都玩，所以非常專業。 大佬！飛咗我出咗啦，仲要玩花式，好l驚呀我！ 出到個大海出面好出好出，佢就開始慢慢揸，係出到去先發覺呢個沙灘真係好大，望返轉頭嗰個海岸線有幾闊，再望返出面只係見到一面無際嘅海水，無終點嘅海洋！睇返啲人就越嚟越細，越嚟越遠，遠到見唔到，啲浪就越嚟越大，我就越嚟越淆底，回程嗰陣佢又係飛住出去， 佢有幾次真係成個人拋咗出去好彩我捉得實咋，認真飛起咗成個人，又大浪， 仲要撞親個頭我塊面再落去佢個頭度，終於完成咗一圈嘅水上電單車之旅，心驚又動拍，睇到不一樣嘅風景！去到真係要試下，其實真係好刺激！ 我見有啲人都會叫人車佢做乘客，出去刺激刺激感受下！
