2017/09/10 天氣多雲有雨 第五日啦 今日你要走喇！ 唔想走唔想走最後一日啦！起身啦去食個晏晝，然後行咗陣街，就要搵車返機場，因為我半夜三點鐘機要自己搭的士就好貴嘅，咁我就諗住搵van仔撘，點知最遲班車係八點鐘，8點真係太早，咁最後book都係咗架的士，佢就約左十二點鐘喺樓下接，咁我就出街周圍問過唒，好多都九百一千個太貴啦，最終我係一個tour到book到700B即刻book咗，再行多一陣間街，其實芭東呢到好多街行，小攤檔小攤檔， 呢度條條街都差唔多喎， 行下行下都唔知行咗邊度， 跟住見到個教滑浪嘅地方，好靚仔嗰個教練， 去學嗰啲多數都係 外國人，一個亞洲人都冇！！ 跟住就係冇嘢做又換衫落去游水，又游水lu 最後一日諗住游到日落，點知見個天又多雲又想落雨，就起身返去沖涼，跟住呢就係巴東夜市到食飯，真係最後一日，我一定要睇日落點知真係落雨，諗住睇唔到㗎喇，睇唔到一個太陽落山㗎啦，不過我哋去到嗰陣個天空係白色加黃色，好普通嘅顏色，因為好多雲，係見唔到個夕陽！諗住影下相就算！ 諗住走㗎啦，真係走咗一條街，望返轉頭見到，個天開始轉成橙色好靚好靚！然後就跑返轉頭去影相，去到個天係好靚嘅金黃橙色， 跟住我哋又落緊小小雨擰轉頭見到雙彩虹，我媽媽同我講，話我城市人未見過，佢鄉下落完雨成日都有好喎！再等多一陣我天空有橙色變粉紅色再變成紫色，因為落雨呀，所以先有咁多紅霞！最後一日個天都對我唔錯啦又有雙彩虹，一個咁靚嘅日落！難得！ 點擊圖片放大 +5 影完相啦，淋左成半個鐘雨，終於天黑啦！之後去咗夜市到食晚餐，最後一日先太遲去啦，太多選擇，可以去到幾次太多嘢食啦！平靚正！雖然其實都未夠鐘嘅，但係落雨落雨落雨！諗住又係飲嘢啦，band show又未開始 又落好大雨，最後都走咗返酒店！等十二點算啦！等車嚟接我去機場！byebye啦芭東！
