2017/09/06 天氣小雨 5日5夜團 咁我就係返完工夜晚收工，然後八點鐘出發機場，凌晨十二點機 有時差嘅關係，凌晨兩點鐘就到布吉 lu 咁我哋係冇book到酒店，要等到一點鐘先可以check in 咁我地凌晨兩點到呢個晏晝一點鐘，呢十二個小時可以做啲咩呢 ？ 由於咁早去到巴東都冇嘢做 咁我哋最後係選擇咗 瞓機場 機場嗰度其實都幾舒服 我哋係訓室外㗎，果日林天光嗰陣就落雨，俾d雨聲嘈醒 咁我哋唔係唯一一個訓機場嘅人，因為見到前面都有啲鬼佬鬼妹都訓緊， 見佢哋瞓得幾舒服，所以我哋先選擇瞓機場，咁就瞓覺七點幾起身出發芭東 搭mini bus就平啲 180B/人 搭的士就貴啲 800B/車 咁我哋揀得平啲嘅minibus，我哋出發去巴東酒店啦！！ 到酒店嗰陣都差唔多九點 ，咁呢就未check in得要等一點，咁就可以放低啲嘢喺大堂嗰度 ，咁就出咗去食一個早餐 然後行陣街 買拖鞋買下嘢睇下衫， 啲時間過得好快， 再去咗行陣 東芭沙灘 ， 東芭沙灘成2km長，要由頭行到落尾都要半個鐘 1點啦可以cheak in，我哋住嗰度就係對住個沙灘 可以睇到海景 去中間有個大浴缸 ，不過唔好彩游泳池維修，佢個泳池都係對住個海 由酒店房影出去 之後就瞓一陣就，再咗去行街食嘢去行big c ,big C 同商場無咩野行，可能我唔中意買野啦！ 諗下第日做乜用好？ 最後我哋去報咗 一日遊去由皇帝島同珊瑚島 $1500B 其實真係唔使喺香港book定先啦 因為你去到嗰度係有好多好多俾你選擇,去到嗰度先再同佢哋講價！ 講到啱價為止 我哋夜晚八點鐘先book佢聽日準時八點鐘會出現，真係方便到震 然後夜晚呢就去酒吧街飲啤酒啦 有咁多間揀邊間bar揀邊間club好呢? 最後去呢間smile bar，因為佢有隊band係到唱歌，仲要佢地唱得好好聽， 經過嗰陣首歌吸引到我哋，其實都幾間都有band show嘅，有啲就有天使喺度影相啦，有鋼管舞呀！有啲直情好似club咁佢入面好多人跳緊舞，因為我地想聽下歌仔算，岩岩先到步攰呀嘛！ 仲有勁平喎，一杯啤酒89蚊B 計返港紙25蚊一杯咋， 有band show睇，泰妹又熱情啦，成日都搵嘢同你玩蘋果棋呀擲骰仔呀， 仲要成日捉你出去跳舞！ 都係一個好開心嘅晚上 都飲咗幾杯酒，醉醉地醉醉地咁返酒店！ 明日出海吧！
