多莉點解無啦啦去布吉嘅， 本來呢我哋一啲都冇諗過去布吉㗎，其實係我細佬買咗張機票買咗酒店諗住同女朋友去HAHA, 點知佢女朋友去唔到，咁我就拿拿聲話痴埋去，又book左酒店啦，唔好嘥曬呀嘛！ 咁我就去買張廉航機票就佢去時間自己返，就買左$1500接受到啦！ 咁成個trip都係即興話去 布吉洗費好平洗左$3000到 咁我同我細佬去嘅，不過好多時候都係得個自己囉！佢有佢地方想去我有個地方想去！ 而我哋就九月頭去嘅暑假啱啱完咗喇，咁就唔係好熱，都有少少落雨嘅！ 布吉梗係住喺東芭啦，仲要係住正係東芭沙灘嘅對面， 呢個沙灘就好長好大㗎，成2km，不過我住係末端呀，都對住個沙灘，咁個商業區旅遊區都係喺呢個東巴沙灘附近啦！ 咁呢個沙灘咁長，酒吧街呀行街呀食飯呀都係附近，淨係行路都可以去到！ 做咗啲咩呀，我哋呢瞓機場啦，食7仔啲叮叮係好正嘅，落酒吧仲點當然去游水啦，跳島遊皇帝島珊瑚島皮皮嗰啲布吉個海係真係好靚好舒服！ 鬼，全部都係鬼！好多外國人，一定都唔似韓國日本咁多中國人，重點來泰仔呢又熱情喎又識氹人，跟住佢哋啲tour導遊又好好笑中意自high㗎又搵你玩 ，不過睇得出佢哋對員工都好有愛呀！去旅行我好重視同當地人互動傾計！ 我會好想再去！因為連啲啲沙灘仔呀酒吧妹都好真心想交朋友同你傾計，布吉係真係可以識到朋友嘅地方 ，我真係好鍾意嗰東巴沙灘好舒服 感謝主給我美好回憶
