好開心今次有機會試下韓國品牌BEYOND Angel Aqua Cream天使水份潤膚乳, 對我黎講係第一次接觸, 原來呢個牌子係韓國LG出既護膚品, 但最緊要係佢用左韓國靚仔紅星金秀賢做代言人至引起我既注意嘛, hahahaa 一向以來我都幾buy韓國既skincare products, 因為佢地好似都幾suit我地香港女仔既膚質, 而我都試過幾隻韓國大牌子既product都有唔錯既效果 所以今次都有期望去試下呢隻BEYOND Angel Aqua Cream 先講佢既包裝 – 名符其實Super Size, 真係好大大大樽, 成150g, 我係報紙見到佢都係賣$140, 計起上黎真係好抵用, 1g/$1. 而佢既顏色係湖水藍, 好切合佢Aqua 既名字. 附盒附上一支小膠匙比用家來取cream, 避免手的細菌弄污其餘未用既cream, 讚! 香味 – 小小微香 質地 – 雖然叫cream, 但係透明, 唔係好水狀, 就咁搽上手, 感覺真係cream質地, 有點杰同滋潤, 要按摩多幾下至可以吸收晒. 搽左上面, 情況一樣, 要按摩多幾下至吸收晒同感到有d厚身, 好似有塊野蓋住, 份量唔洗好多就已足夠潤晒成塊臉 效果 – 不太理想, 可能較潤較厚身既關係, 第二日後, 鼻翼, 下巴及咀邊出左好多酒米, 初初都唔sure係咪搽左佢既緣故, 但連續試用七天都有間斷出酒米既情況, 而未試用前係從未出現過咁多酒米既. 到第七天更有三幾粒暗瘡醞釀中, 所以都好大機會係Aqua Cream既原因, 而停用後就冇出酒米, 但暗瘡要等佢謝.................幸好沒有敏感、痕等等不良反應 總評: 唔係太啱我呢d混合性偏乾(內乾外油)既人, 好諗乾性皮膚會較合適. 話雖如此, 如果啱用此產品的人, 以這價錢有那麼大size真是超抵的. 多謝 BEYOND今次俾我試用既機會, thankssssssssssss!
