好開心 今次可以再試b.liv既產品, 上次試既黑頭啫喱效果確實唔錯. 而今次試既係毛孔幼細日用凝露 Large Pores Reducing Serum (HK$360/30ml)及光彩動人亮白面膜 Skin Smoothening Mask(HK$220/50ml) 先講今次呢兩款既packing, 我覺得比上次既橙色吸引得多, 因為係我最愛既紫色, 仲要係薰衣草既紫色呢 !! 先俾5粒星先!!! 首先試既係光彩動人亮白面膜Skin Smoothening Mask, 佢係泥mask既質地, 敷上面5-10分鐘後再用水加打圈既按摩手勢洗去, 用佢mask入面既粒子去做磨砂 試用前 做完塊面即時滑左同白左小小, 但亦有小小紅, 可能d粒子較大同我又大力左小小既關係. 不過紅既現象第二朝已經消失, 呢隻mask可以當磨砂用, 一星期一次同按摩清洗時要輕手d 做完個mask就用佢同一系列既毛孔幼細日用凝露Large Pores Reducing Serum啦, 呢個質地好水, 份子好細, 皮膚好快吸收晒. 最怕d serum好似emulsion咁, 大份子難吸收, 若再搽埋cream就成塊面油晒, 仲會生酒米添. 所以我好鍾意呢隻serum既質地, 容易吸收同好清爽, 讚!! 但毛孔就未太明顯收細 今次呢兩件product效果不過不失, 亦無任何不良既效果或敏感, 我俾3粒半星!!!
