下星期二就係情人節，記得有人話我未整過朱古力俾距，所以今次趁住得閒，就啲起心肝整喇！ 做好一大堆切果仁的動作，特別仲有某人好鍾意食的芒果乾，就可以隔水熱融d朱古力然後倒模了！ 倒入朱古力的時候分三步：首先倒入模具形狀的一半容量，然後第二步是在每一顆加入唔同的果仁碎。呢個時候仲要記得影張相記住每一粒朱古力對應的果仁材料。（因為最後的裝飾會將整粒的果仁放在朱古力面，咁樣望上去會高檔啲嫁！） 最後淋埋D朱古力蓋住啲果仁，記得做埋「den」一「den」既動作，將d朱古力整得平滑d。然後就可以用保鮮紙包好放入冰箱喇！ 耐心等左兩個鐘之後，就可以去把寶貝拿出來了！不過要特別留意，因為拿出來是之前照片的鏡面，所以記得按照原來的方向排好朱古力。 接著，就是好玩的裝飾步驟喇！再次加熱朱古力，拿出牙籤和棉花棒，拿出果仁碎，就可以開始咯！ 沾點朱古力醬當膠水，跟翻之前影地的相放上對應的大粒果仁於朱古力上。 小熊的眼睛要先用棉花棒點一個點，等幾秒後再用棉棒的另一頭調整眼鏡的形狀，這一步真的超難的，我應該失敗了不下十次吧！至於嘴唇部分，就需要用牙籤挑出細細的朱古力絲後，再迅速貼和嘴部位置。如果貼合後發覺不滿意，不用擔心，稍稍等一陣之後就可以用牙籤的另一端挑走那部份再開始就可以了。 最後剩餘了朱古力醬，於是仲用黎淋再朱古力和果仁上，看上去好想更high car d咁添！ 最後的最後，當然係包裝同寫card啦！ 中間四粒剛好拼湊成我最鍾意既四葉草■添！ 之後再鋪多一層baking用既紙，貼埋個標籤，就真係大功告成喇！ 呢份係奶奶俾我老爺既，響我整朱古力的過程中，距都想玩下，所以就俾左d距試下喇⋯ 最後除左老公果份，仲可以送埋俾老爺，自己老豆，同埋老公剛恢復單身既家姐添！全部加埋都只不過係100蚊唔使咋！
