『母胎』單身又得，『半路』單身都得，得左！ 眼見身邊的親友漸漸步入『婚姻殿堂』，自己仍然『孤身寡佬』？ 知道屋企人『有口難言』其實自己也是『太監急皇帝更急』！前排煲翻『Sex and the City』，發覺『單身』真係好似流行病咁，中招易，想脫？難喇! 如果你中左以下的其中一項，相信我，你黎「脫獨」，又遠左一步了T^T！ 1. 一個『無慾不歡』的性鬥士 (Samantha)？ 需要呢d野個個都有。之不過，如果下下身體行先，咁同動物有咩區別？ 2. 一個『羅曼蒂克』的完美主義者 (Charlotte)？ 堅離地的韓劇，不如我地睇少的？唔好對愛情有太大期望，因為希望越大，失望也越大。 3. 一個『神探柯南』咁既愛情懷疑鬼 (Carrie)？ 記住你唔係查緊案，唔好覺得個個都有嫌疑！人地俾個心你，麻煩好好珍惜先啦！ 4. 一個『一味死搏』的工作狂 (Miranda)？ 你咁醒一定明解，無投資又點得回報？仲想高利率？醒下啦！ 若將以上四種成份自行按比例加減，相信你一定可以調製出對你黎講熟口熟面的香港男女（都話『總有幾個在左近』呀嘛！）。之不過，無論你按咩比例，點樣添油加醋抑或整色整水，有樣野就真系好似過句廣告對白咁『恆久不變』，那就是『單身』。 至於點樣先可以脫離單身，我們容後再說。
