相信大家茶餘飯後點都會食下生果，甚至會將生果當飯食，但係大家又知唔知點先可以用啱嘅方法食生果呢？網上有唔同嘅短片介紹點食生果，我就抽其中嘅4種同大家講下，大家不妨參考下，有自家方法都可以開心Share下~ 首先係幾乎有哂所有維他命同礦物質嘅香蕉，仲有豐富嘅食物纖維，有好好嘅通便效果。香蕉仲有好高嘅熱量，做運動補充體力一流！研究仲話香蕉可以預防腸癌，降低中風機會，降低愛滋病感染機會！但係唔少人會由比較長連接樹個邊開始搣隻蕉，但其實最簡單快捷嘅方法係好似馬騮感由香蕉尾開始，輕輕壓一壓就好易開到隻蕉架啦好易開到隻蕉架啦~ 點擊圖片放大 +3 跟住係生果入面營養密度最高的水果，有大量鈣嘅奇異果，奇異果有豐富嘅維他命C，維他命E更夠一日所需嘅三分一，而且仲要低脂低熱量，研究話奇異果仲有降膽固醇，促進身體嘅組織同皮膚再生，幫助女仔荷爾蒙分泌正常。但點先可以食哂D果肉？原來只要切頭切尾，再用匙羹挖出嚟~ 點擊圖片放大 +2 之後到有豐富營養而且好甜好多汁嘅芒果，有好多維他命A，C，D，更加有清腸胃，止暈止嘔，防癌防便秘防高血壓嘅功效，至於點可以快速拎D果肉，原來只要緣住粒核切兩份，然後搵隻杯，用杯邊一挖就可以成塊肉到手啦!不過比較濕熱，適可而止好啦 :) 點擊圖片放大 最後一種係細細粒嘅士多啤梨，雖然細細粒，但原來士多啤梨有「維他命C之后」嘅美譽，每日食5粒就夠哂數，士多啤梨仲有好多鈣、鐵、磷，可以防高血壓，消除疲勞，增強抵抗力。但係大家會點樣整走葉嘅部分呢？其實一支飲管就可以解決哂，由底一下感穿過去就可以簡單整就塊葉架啦~ 片段入面仲有其他生果，有興趣可以再了解更多~ SOURCE: https://www.youtube.com/watch?v=tvKiHElHIIc&index=8&list=PLlJLxMs8ZeEFJ78tWIkdkOiHUoQTHKo3Z https://www.youtube.com/watch?v=l_wDZnypJTA http://zh.wikipedia.org/wiki/%E9%A6%99%E8%95%89 http://zh.wikipedia.org/wiki/%E5%A5%87%E7%95%B0%E6%9E%9C http://www.vegtrends.com/vegetarian-ingredients/item/810-%E8%8A%92%E6%9E%9C%E6%8A%97%E7%99%8C.html http://heartless.hkheartless.com/health10.htm
