依排香港嘅麥記因為福喜事件令到人氣大跌，形象大受打擊，但相反有同樣問題嘅日本麥記就趁機推出由豆腐、雜菜、魚肉整成嘅麥豆腐，成功轉危為機，當大家都羨慕緊人地有禁好味嘅特色包嘅時候，又知吾知原來世界各地嘅麥記都會因應唔同地方嘅文化、飲食習慣、宗教而整唔同嘅野食呢? 外國一條短片就列出左近40種唔同國家麥記嘅獨特野食，大家不妨認識下以下係一D比較有趣嘅特色地方野食: 1. 阿根廷嘅Oreo甜筒，本身雪糕已經夠甜，加埋Oreo咪甜上加甜?! 2. 巴西嘅芝士包，遠睇禁似香港某麵包舖D包嘅XD 3. 去到德國點少得德國嘅啤酒～但係旁邊嘅咖喱包就…… 4. 意大利當然就有充滿傳統特色嘅Pizza夾心包啦:) 5. 將四個麥香雞包疊埋就變成沙地阿拉伯嘅包，啱哂一班食肉獸~ 6. 用包代替左墨西哥嘅薄餅，加埋傳統嘅莎莎醬，味道應該唔錯:) 7. 加左辣椒蔥花嘅麥記粥，啱哂好多華裔嘅馬來西亞~ 8. 炸薯條就食到厭哂，哥倫比亞炸木薯由食過未? 9. 香港人熟識嘅粟米湯原來嚟自台灣~ 10. 充滿香港茶餐廳文化嘅扭扭粉都有介紹:) 11. 除左片段提到嘅扭扭粉之外，香港之前配合長洲太平清瞧推出嘅脆香素菇包都算特色之作~ 12. 中國麥記最新嘅蛋花菌菇湯真係夠哂中國特色，果然係無奇不有~點擊圖片放大 13.講到最多變化嘅食品，不得不提蘋果批，各個地方都會塞唔同嘅陷入去個批度，有泰國嘅菠蘿批，中國嘅芋頭批，香港嘅粟米批紅豆批，香港麥記依排更加推出新地蘋果脆，將雪糕同蘋果批擺埋一齊，圖片僅供參考，有網友叫過就覺得比人昆左，麥麥送就賣10蚊，抵唔抵食就見仁見智啦~ SOURCE: https://www.youtube.com/watch?v=9ORiKlpasOw http://www.mcdonalds.com.cn/cn/ch/index.html http://www.mcdonalds.com.hk/ch.html http://www.vjmedia.com.hk/articles/2014/08/25/83060 http://buildmeiclub.blogspot.hk/2014/04/blog-post_19.html http://hk.apple.nextmedia.com/realtime/news/20140731/52746284
