夏日炎炎，雪條成為消暑嘅不二之選，宜家社會上乜都講求健康，講求無添加，令自製雪條再次流行，而近期登陸香港嘅Zoku Quick Pop Maker自製雪條機就成為大熱，唔少地方都賣斷市，究竟呢部自製雪條機有咩過人之處？ 有別於以往嘅整雪條方法，Zoku Quick Pop Maker自製雪條機唔洗將材料放入冰箱幾個鐘先有得食，而是短至10分鐘，可以話係即整即食~部機外層係膠殼，入面就係大量嘅超強冷凍劑，雪條模部分就是鋁合金；用法好簡單，唔洗插電或者叉電，只需要將成個雪條冷凍座放入冰格雪24小時，之後放入佢比你嘅膠雪條棍，然後倒入你想整嘅材料(幾乎乜都得，果汁、生果、乳酪、糖、餅、啫喱等等，但避免用有氣嘅野飲，因為會影響凝固)，就可以係極短時間10分鐘內整成雪條。再利用特製嘅脫模鎖，套係雪條棍頂部，扭幾下，就可以輕易將成支雪條攞出嚟。 點擊圖片放大 +3 如果大家得閒想發揮下創意，花D心思，更可以利用部機成個鐘嘅冷凍功能，整唔同花款嘅雪條。首先就係最簡單嘅多層雪條，倒完一層材料之後，等10分鐘等到凝固左之後再倒第二層，如此類推，分分鐘可以整四五層！不過要小心吾好超過要界線，因為啲材料雪凍左之後會膨脹~ 玩完生果玩完多層，如果想再玩多D花款，可以買一個Pop Tools Kits，入面有個斜台、3隻 量杯、膠棒、吸管同埋兩個圖形模，有左依D工具，就可以整又型又好味嘅幾何型雪條同埋夾心雪條。幾何型雪條就係用斜台將雪條機打側，倒入第一層果汁，等果汁凝固後，將雪條機向另一個方向打側，倒入第二層果汁，凝固後，將雪條機放平，再倒入第三層果汁，成條凝固後就搞掂。唔同嘅打側方法就會有唔同嘅幾何效果，說明書詳細寫左~ 而夾心雪條就係等雪條係倒完材料候，半凝固狀態嘅時候用吸管將雪條模入面嘅材料吸走，再倒入令一種材料，感就可以整到一條外脆內軟嘅雪條~ 除左Pop Tools Kits，如果想整靚條雪條，令到條條都各有特色嘅話多可以買埋Character Kit，入面有十幾個唔同嘅模，用水果片係上面一壓，就可以壓出唔同嘅形狀，利用工具放入去雪條模固定位置，再倒材料入去，凝固後就可以整成有人面圖案，花花圖案嘅雪條! 點擊圖片放大 係咪估唔到自製雪條都可以有禁多花款呢～快D趁暑假買番部整屬於你嘅雪條啦! 如果有興趣，可以去下面條link睇下人地點整 XD https://www.youtube.com/watch?v=x9AxJgkmwdE https://www.youtube.com/watch?v=9UBnJGVC3Cg Quick Pop Maker $473 Pop Tools Kits $212 Character Kit $170 Plus Home 地址：將軍澳 Popcorn 商場 G47 號鋪 電話：3906 3755 SOURCE: http://tvb4life.pixnet.net/blog/post/182638629-%E7%89%B9%E6%8A%80%E5%BB%9A%E6%88%BF-%E6%80%A5%E9%80%9F%E9%99%8D%E6%BA%AB%EF%BC%8E%E8%87%AA%E8%A3%BD%E9%9B%AA%E6%A2%9D http://food.ulifestyle.com.hk/restaurant/news/feature/9%E5%88%86%E9%90%98+%E8%87%AA%E8%A3%BD+%E9%9B%AA%E6%A2%9D http://daman.cool3c.com/node/61329
