9月10日, 係阿D一個值得記低既日子....."人生之初體驗 ~ 降傘" 基本上, 阿D同阿Y為何會到芭堤雅, 其實玩降傘就係主要原因~! 我們rewind少少先, 為左應付這次1 day tour水上活動 (降傘, 漫步水底, 水上電單車/香蕉船, 沙灘椅享受.........)....由於本著會體力透支, 所以先吃一豐富早餐, 之後, 就在酒店大堂等, 因為join tour最正的地方就是享有酒店接送, 不過感覺像兒時搭保母車上學一樣, 因為接送服務是一車逐點接join tour的旅客(不可能所有join tour團友都住同一間酒店吧). 但都好快的便到達沙灘, 準備搭乘船舶去進行1 day tour水上活動. 首先會帶你去第一據點, 你會發現只係一個漁排般, 有cover同bench俾人等候(因有部份可能沒有選玩降傘), 及一個像直昇機坪~ 而這降傘活動就是由快艇帶你於空中盤旋3圈, 都有近半個足球場左右吧, 感覺~~~~是好自在, 雙腳放鬆, 飄下飄下, 真有I BELIEVE I CAN FLY...~~XD 點擊圖片放大 +2 由於降落時下墜力都很大, 所以會安排數人準備接停, 其間更見到身材較重的, 那時的衝力, 真的要幾個大男人都飛盡出力先係地台邊位先停得到.....而阿D我, 最初都有少少擔心膝蓋唔夠力(因為膝蓋早前重創, 現時手術後復健中), 但好在力量叫夠承擔, 一落地就好似落釘咁著落, 穩穩陣陣~!! 人生之初體驗~! 完成~! 不過, 如果叫阿D我再來玩, 應該都不會了, 在這一次飛行經驗, 最過癮的是快艇會變速故意令人升升降降, 在空中升升降降感覺好自在, 但....當望見海水....一浸浸黃綠色, 似油不知是什麼, 但肯定不是海水.......當下阿D我有點怕沾到那些水......所以.......體驗過便可了~! 玩完降傘, 跟住就出發去第2據點(就係隻大船), 進行海底漫遊~~ 不過...好可惜...到達時, 當地人己說近日海底多暗湧, 導致水底混濁不清, 基本上就算下潛海底都會看不到任何東西, 但由於費用己付, 仍可自行決定照下潛落水, 因為費用是不能退, 當然, 阿D我仍會選擇下潛落水, 看不到清澈的海底世界都看看暗湧狀況... 但是, 感覺真係很可怕, 一個倒蓋玻璃罩蓋至肩膀就按你落水底般, 雖然會有氧氣輸入玻璃罩內, 但當時會係怕, 萬一不平衡傾斜, 水便會流進來, 無時無刻都感覺可怕~~仲要真的如當地人說, 什麼都不見, 間唔時會見到同你一齊(陪你潛水底的人員), 但9成時間連佢對手都看不到, 短短5分鐘左右, 真係有中途想逃離之感~但逃離不了...... 超可怕~!!! (但真的好幸運, 玩完第2日已經有報導所有海上活動不可進行, 因為有海嘯警報~!!!) 餘下的TOUR活動, 水上電單車/香蕉船, 沙灘椅hae休息, 不詳述了!
