今日同阿be 慶祝生日，佢話要食自助餐，仲要係有龍蝦食嘅自助餐！ 睇啲Facebook,飲食平台，都見報導Hotel Vic這酒店，響佢同意下，就去試吓！ 點擊圖片放大 +3 餐廳除了高樓底之餘仲多是用木嘅色調令人有和暖感覺, 帶少許典雅風又不失時尚. 一入門口左手邊有個雪櫃放住杯裝乳酪同枝裝汽水，有我同monkey都喜嘅coke zero! 之後就係冰鮮海鮮， 佢有蟹，蝦，青口，蜆同大家亮眼點：龍蝦！ 龍蝦有好多膏，橙色同灰色嘅都有，前者硬身一啲，後者細軟香滑一啲！睇吓你鍾意邊款多啲啦～ 另外仲有凍櫃，內有五款芝士同凍肉片，當然個個嘅著眼點都響盤Parma Ham度啦，見住佢不停refill. 另一著眼點係。。。。刺身，有肥美帶子，赤蝦，赤蝦除了剝左殼，仲係無沙同甜甜的。 仲有藍鰭吞拿魚同油甘魚，三文魚同八爪魚，都算多款！ 點擊圖片放大 +4 熱食Area有即燒嘅羊架， 雞串燒同鵝肝，燉湯，充滿香港特色嘅咖喱魚蛋，豬皮，牛肚， 豬紅等，之後就係點心， 即煮港式湯麵，唔同嘅印度咖喱，燒味同即煮芝士意粉等。 燉湯，每盅都有雪耳，螺頭同瘦肉，味道清甜，潤潤地。 點擊圖片放大 +4 鮮榨菓汁，有蘋果，西芹，甘荀，雪梨等，你話俾店員知你想要邊樣生果拼邊樣就得嫁啦，甜甜新鮮的菓汁就係咁產生！ 甜品時間～～～～ 除左好多自助餐都有嘅小型可愛甜品外，仲有即制pancake同窩夫，係你叫佢先製，保證新鮮同熱辣辣！ 班戟可以配唔同生果，我只點左窩夫，薄薄的唔驚太飽而且夠外脆內軟，另外自己加左抹茶早餐谷類早餐同朱古力醬伴班戟， 開心見到有Jelly Beans, 一次過試到多款唔同味！ 點擊圖片放大 +4 最後當然要食雪糕啦！ 依個雪糕櫃好正，如果close嘅時候佢係會自己轉的！ 除左有香港傳統嘅紅豆冰，朱古力雪條，能得利雪條外，仲有 Haagen Daz雪條同 Movenpick 雪糕杯，依個位邊個會錯過吖？！ 最後想順帶一提，路癡一定唔洗驚，因爲這酒店勁易揾，A1出口向左行半分鐘，已經見到那酒店的building，沿住行分半鐘就到，非常方便呢～ The farmhouse 北角北角邨里1號海匯酒店西座2樓
