我從來都唔鍾意食燒肉，無論日式又好韓式又好，都麻麻，因爲我唔係“肉肉人”，打邊爐的話俾幾片牛肉我當食過就算，你話無點我都可以的。而燒肉就一味食肉，好辛苦。今日朋友帶我去日本食燒肉放題，我都係當順吓佢意，唔諗咁多。 點擊圖片放大 +5 一坐地店員解釋左點樣Order,隨後就放低左兩盆食物，一碟係靚靚魚生拼盤另一碟係牛肉海鮮拼盤(一口牛粒，牛小排，虎蝦，青口，香草牛油廣島蠔)，店員話驚客人點餐耐，所以每枱物送上預設拼盤可以一坐低就即刻有得燒， 食足兩個鐘！ 開心佢有生牛肉食，通常都係韓國食店先有嫁嘛，佢地醃得很好加上生蛋撈起就更好味！ 辛口泡菜煎餅夠薄，唔會得啲粉漿，本身已經夠味，但加埋啲韓式辣醬就啱矖啲鍾意重口味嘅朋友了！ 點擊圖片放大 +3 點左燒汁牛肋骨肉同果味牛肋骨肉，果汁味唔太重，但喜歡佢唔太肥，唔會好un而且肉味濃。第一次自己燒漢堡扒！依個係黑椒牛小排漢堡扒，因為扒比較厚，所以我放左佢響近爐嘅邊位燒，燒到差唔多先放返佢響中間，免得佢得外面燶曬裏面仲好生，燒一件大約半小時，裏面好juicy的，推介大家點喔！ 點擊圖片放大 +5 朋友大愛食燒菠蘿，食左幾件都唔厭，佢話燒完仲甜，一個人食左8件。。。講吓食吓，咁就過左2個鐘，整體上食物很新鮮，可以話有質素，絕對唔似放題級數，服務五分滿分，我一定會俾五分！佢地有唔同嘅員工不時看看客人枱上有無嘢要收，有時會建議客人點燒，無茶又主動refill等等，個個都好有禮貌，欣賞！
