又到練歌日，這幾個星期響火炭無乜嘢食，試過幾間茶記都好唔掂，咪約朋友響連城食完晚飯先坐小巴去火炭。 點擊圖片放大 +3 Mon 有啲悶熱想食啲泰嘢解吓暑，就去左冬蔭公公。去到冬蔭公公點可以唔點冬蔭公呢，叫左米線，依個米線幾肥大下，軟軟地，但同冬蔭都幾襯， 生菜同枝竹都幾吸湯， 湯底算好飲，唔重椰汁但又唔會淡，我飲左好多湯，只因啱口味！ ($54) 珍多椰汁冰+咸青檸梳打 馬沙拉咖哩原隻羊膝配油酥餅 ($98) 個醬汁有啲士巴東牛肉, 幾傑身下, 油酥餅啱啱製成香噴噴, 有少少脆之餘, 裏面有一絲絲有啲酥軟, 最surprise嘅係唔油膩, 佢同個醬汁都好夾, 但係羊膝肉在有啲硬身, 要花點牙力才吃到. 點擊圖片放大 +4 泰式雜錦拼盤 ($148) 本來我想食泰式酸辣鳳爪朋友想食蝦餅同埋串燒, 點知畀我哋發現到有一個泰式雜錦拼盤, 當中有蝦餅, 泰式春卷, 豬頸肉, 酸辣鳳爪 同埋沙爹串燒蝦串燒雞, 仲可以選兩杯特飲, 相當抵食! 酸辣鳳爪唔會好辣, 食唔到辣嘅朋友都食到兩三隻. 炭燒豬頸肉燒得很香外脆內軟, 泰式春卷炸得十分脆口, 裏面有很多餸, 除咗一啲肉之外仲有一絲絲嘅粉絲, 蝦餅好夠彈牙, 雖然只係得一粒, 但係少食多滋味, 多食壞肚皮. 點擊圖片放大 雖然食得豐富, 但係目標係要盡快去練歌, 由order 至食完餐飯, 我哋只用咗50分鐘, 認真係速食, 但係食到啱口味嘅食物已經好滿足了~
