2013年3月29日下午12:31公開累積瀏覽 818 22 呂貝克名物「杏仁糖」(Marzipan) 吃完午餐後，就是進行最重要的手信購買行動，從旅遊書中得知，呂貝克的名物就是「杏仁糖」，打算到市內「杏仁糖」(Marzipan)的元祖店「Niederegger」，購買兼參觀一下，這「Niederegger」百年老店原本位置在市政廳的附近，但遍尋不獲，剛巧遇上當地警員查詢才得知，老店正封閉進行大維修，當下非常失望。 「Niederegger」另一間分店舖 友善的警員就介紹我們到「Niederegger」另一間分店舖，雖然警員的英語非常好，由於我的地圖太細少，他根本無從指出正確位置，最後他索性親自帶領我們前往這舊城區主街道「布萊特街」(Brette Str.)的「Niederegger」分店，他恐怕我們溝通不上，還入內向女店員說明我們想購買「杏仁糖」(Marzipan)，實在太感動了！！ 店舖內有各式各款的呂貝克名物「杏仁糖」(Marzipan) 關於杏仁糖(Marzipan) 在呂貝克的起源，目前尚無確切說法。 1407 年左右的呂貝克大饑荒可能是這個問題的答案。 參議院呼籲所有呂貝克麵包店使用杏仁和糖製作麵包。 困境中誕生的美食和熱情：杏仁糖。 復活節的「杏仁糖」(Marzipan) 另外，呂貝克在13 世紀就引入了杏仁作為原料， 並在當時將杏仁糖作為有治療作用的稀有甜點。一直到16 世紀，還只有製藥業生產杏仁糖。很快，貴族們發現了杏仁糖的美味，將它作為餐桌上的甜點。同時民眾卻被禁止享用這種奢侈品，幸而這一現象早已被廢除，當時民眾戲言「值得犯罪也要一嘗」。 小包裝「杏仁糖」(Marzipan) 大盒裝約「杏仁糖」(Marzipan) 只是9 歐元 也有人認為杏仁糖起源於 1530 年。但可以肯定的是，“呂貝克杏仁糖”(Lübecker Marzipan) 這一代表著高品質的名字直到1800 年才出現。在此期間，130 多家製造商（主要是麵包店）致力於此，為呂貝克杏仁糖打造了良好的聲譽。如今呂貝克杏仁糖已經享譽世界。 所以出售杏仁糖的店舖，傳統上都是由麵包店兼營。 「Niederegger」分店亦不例外，店內亦有出售糕點。 情人節「心型杏仁餅」好抵！ 店舖內除呂貝克名物「杏仁糖」(Marzipan)外亦有蛋糕出售 這是我搜購的杏仁糖，現在除了傳統杏仁味之外，現在加入了其他味道，如朱古力、香橙、意大利甜酒， 這些杏仁糖是長方形，先用上等杏仁磨成粉末，混入杏仁細碎夥粒和麵粉成餡料，外層是薄薄杏仁糖皮包著，一打開包紙，杏仁香氣噗鼻，吃起來有豐富杏仁味，杏仁碎夥粒，增加口感，確是尚品，好美味！！ 這糖質料軟糯的，老人家也容易吃。 我個人覺得不太甜，但有blog友感覺太甜，個人口味不同罷，這些糖包裝美觀，亦只有德國北部這區才有出售，每盒亦只是2.9歐元，有大小型什錦禮盒，也不過是7~10歐元，這特式食品適合送禮自用。我購買了不同口味的杏仁糖作手信。 PS:附近超市亦有杏仁糖出售，不過並非是「Niederegger」老店製作的，售價相若，可自行選擇。 檢舉這篇POST 回應 (22) 引用 (0) 永久連結 訂閱回應RSS摘要 要留下回應請先登入 小妹 2013年4月20日上午12:23 杏仁茶(湯水)我飲過，但杏仁糖就未試過…… 顯示全部回覆 共2則 小妹 2013年4月20日下午11:55 飲杏仁茶及杏霜我都ok, 你搵到香港邊度有就通知我啦！ DoraCC 2013年4月11日下午3:26 我都有買呢家的marzipan糖, coffee and chocolate drink 都好好味, 係朋友介紹的。 我仲見有成隻豬樣的杏仁糖, 話係代表好運喎。 果度D杏仁粉同烘焙材料都好平, 去開而又有玩烘焙的朋友可以留意一下。可.. 路霸 2013年4月20日下午12:45 Dora 唔好意思咁遲覆你 marzipan糖超好食，我都喺睇書介紹，可惜佢間老店裝修無開，見唔到焗蛋糕材料，我無留意有咖啡和朱古力粉出售，走寶！！ 我見唔到豬樣，可能情人節只有心心！！ Diy samwei 2013年4月9日上午4:47 我覺得Marzipan很甜， 不過可能在當地的不是這樣甜 路霸 2013年4月9日上午10:28 samwei 哈！這可能喺個人口味唔同罷， 我同親友食過多個款式都唔覺太甜 佢唔及金莎朱古力嘅一半甜度 Diy 吳獅皇(Assemby) 2013年4月6日下午2:56 路霸,午安。祝您週六有愉快的一天。 路霸 2013年4月6日下午10:48 Assemby 多謝 Diy 吳獅皇(Assemby) 2013年4月5日下午2:12 路霸,午安。祝願傍陀大雨的天氣盡快過去,盡快回復充滿燦爛陽光的一天。 路霸 2013年4月5日下午3:48 Assemby 多謝 Diy 吳獅皇(Assemby) 2013年4月4日下午2:41 午安。祝假期身心愉快。 路霸 2013年4月5日下午3:48 Assemby 多謝 Diy Gael 2013年4月4日下午2:22 未試過唔知係咪真係好甜呢 顯示全部回覆 共2則 Gael 2013年4月4日下午11:29 咁都可以接受到喎~~~~ ak 2013年4月3日下午11:42 路霸 , < 值得犯罪也要一嘗 > 嘩好吸引啊 ! 路霸 2013年4月4日上午12:08 ak 真喺唔誇張，超好味！ 有機會一定要試 Diy Tony 2013年4月3日下午9:44 杏仁糖好味嘛．．．有無買番屋企試 路霸 2013年4月4日上午12:07 Tony 喺呀！買咗好多，超好味！ Diy Tony 2013年4月3日下午9:43 德國人都幾友善..^^ 路霸 2013年4月4日上午12:06 Tony 喺呀！佢地好好人~~ Diy 吳獅皇(Assemby) 2013年4月3日下午2:00 路霸,午安。祝您今天愉快。 路霸 2013年4月4日上午12:04 Assemby 多謝 Diy 小恩子 2013年4月3日下午12:09 甜品好吸引啊！原來杏仁糖咁出名！ 路霸 2013年4月4日上午12:04 小恩子！ 有機會妳一定要試下，超強力推介！！ Diy Venus 2013年4月3日上午1:38 路霸兄, 過o黎支持一下, 追番您幾篇blog先 個警察叔叔好好人呀, 讚 路霸 2013年4月4日上午12:02 Venus 多謝支持 哩幾位警察真喺都好好人，人生路不熟，有可信任嘅人幫助真喺好好 Diy Ayi 2013年4月2日下午9:25 Niederegger 杏仁糖咁出名 ,有機會去呂貝克 ,一定要去試試 . 顯示全部回覆 共2則 Ayi 2013年4月4日上午5:25 上次去不是去旅遊 ,喺姑姐個仔在呂貝克大學畢業 ,我地同去觀禮咋 ,逗留二天在LUBECK市 ,有粗略遊覽下 ,由於姑姐喺教徙 ,淨去睇下D教堂已到攰了 ,我地也有去參觀氣勢又未曾見過的雙塔式既城門後就趕住去慕尼克 ,所.. 吳獅皇(Assemby) 2013年4月2日下午2:07 午安。各位有心了,謝謝。今天身體轉好了。也祝願各位身體健康,今日開心愉快。 路霸 2013年4月3日下午11:58 Assemby 多謝 Diy 吳獅皇(Assemby) 2013年4月1日下午7:25 晚安。今日有點不舒服,來遲了,謝謝您常常來探訪。 路霸 2013年4月2日下午12:01 Assemby 多謝 Diy 吳獅皇(Assemby) 2013年3月31日下午3:15 路霸,午安。祝週日愉快開心以及復活節假期快樂。 路霸 2013年4月1日下午3:01 Assemby 多謝 Diy 細姑姐 2013年3月30日下午5:08 咁多口味，我都好想試下。 有機會跟這個德國團，我都會去買黎做手信。 年前跟團去法國，都有參考路霸兄有關莎拉小鎮鵝肝店的介紹。 路霸 2013年4月1日下午3:06 細姑姐 喺呀！我上次去莎拉小鎮鵝肝真喺錯，唔喺貴！ 妳like杏仁嘅話，下次去買嚟試下！ Diy garfield 2013年3月30日下午4:33 路霸,杏仁糖睇樣就知好味,不過杏仁味就不是每個人都鍾意,我都有朋友家人唔喜歡的,不過如果我下次有機會到此一遊我也一定會買呢! 路霸 2013年4月1日下午3:03 garfield 喺呀！哩隻糖好重杏仁 唔喺好多人like架！ Diy 吳獅皇(Assemby) 2013年3月30日上午11:26 早晨,祝週六開心愉快。Happy Easter. 路霸 2013年4月1日下午3:01 Assemby 多謝 Diy 噢!地利 Oh!tria 2013年3月30日上午5:33 個人口味不同, 我好怕有Marzipan o既o野. 路霸 2013年4月1日下午3:00 Oh!tria 喺呀！我知有好多人唔like架！ 我姨甥女敏感唔食得！ Diy rity - yc 2013年3月30日上午12:35 警察叔叔真好人. 心型杏仁餅大大個2蚊都唔使, 好抵呀. 卷蛋糕好吸引, 好想食 路霸 2013年4月1日下午2:57 rity 啱啱遇到幾位好警察， 哈！我都無留意 佢都有麵包賣，可惜食完飯太飽..... Diy
