冰島首都 - 雷克雅未克，係全世界最北嘅首都，亦係一個非常乾淨嘅無煙城。因為成個首都圈嘅電力都係靠地熱能供應，而當初維京人亦因為地熱蒸氣呢個緣故，稱呼呢個城市做Reykjavik - 冒煙的港灣/港口 小弟落機後因為時間關係只去左兩個地方，Hallgrimskirkja 哈爾格林姆教堂同The Sun 同Voyager (太陽航海者) 維京船雕塑。 Hallgrimskirkja以冰島詩人Hallgrímur Pétursson命名，係冰島最大嘅教堂， 1986年建成(比鄙人重年輕)，由於雷克雅未克建築物非常矮小，外型獨特嘅Hallgrimskirkja哈爾格林姆教堂係整個首都最當眼嘅地標，幾乎喺城中每個角落都可以見到佢。 到此一遊式自拍才是正經事 周圍都係路人嘅亂影，抱歉質素係非常差，下次再去時會影好少少 上網搵左幾張圖用下，大家喜歡嘅請到GOOGLE Map觀賞 Photo by Hallgrimskirkja Photo by UG3300 之後揸大概5分鐘車就會嚟到雷克雅未克嘅另一個地標：維京船 The Sun Voyager (Sólfar)。據說係維京人初次登岸嘅地方，由雕塑家Jón Gunnar Árnason為紀念雷克雅維成立200週年而設計，除了作為歌頌太陽外，同時包含住航行中對未知領土嘅期望、希望、進同自由等意念，係一艘夢想之船。（嘩.......咁抽象） 其實我路過，喺我身後對岸嘅係Esja mountain，由玄武岩和凝灰岩（鄙人為地理人）形成嘅火山山脈，高914米，以我所知有唔少旅客專誠嚟登峰賞景，希望有機會可以再詳細介紹。
