上星期日同B去左茶園Tiffin high tea, 由3：30 坐到 5：30, 果種咩都唔做, 只係坐埋一齊傾下計, 食野嘆茶真係正呀。 （雖然我地唔係貴婦, 但扮下都得呱XD） 茶園high tea 最抵食之處就係, 除左個high tea set 之外, 出面仲有大約8款蛋糕, 10款雪糕雪芭﹠窩夫任食。 雖然係任食既蛋糕, 但質素一D都唔差。 點擊圖片放大 +2 我只係試左其中4款, 我推薦既有Berries Macaroon Cake, B：「Oreo and Espresso Mud Pie 好味」 我叫左杯Strawberries Yoghurt Tea, 沖出黎淡淡既粉紅色, 陣陣香味, 味道幾特別。 B叫左杯 Latte, B：「無咩特別」 點擊圖片放大 Tea set 有5 層, 我地由咸食起，重點講下幾款， 青瓜龍蝦三文治：我地覺得相當不錯, 龍蝦肉夠新鮮。 車厘子酒味啫喱鵝肝醬：底下既鵝肝醬味道濃郁但略嫌上面車厘子酒味啫喱既酒味太重。 巴馬火腿配無花果：新鮮既配搭, 因為parma ham 通常都係配蜜瓜。B:「明明就係古怪呀」 到甜品方面喇， 綠茶泡芙：綠茶味道很出, 綠茶Cream夠晒滑。 Strawberry tart：賣相不錯, 但食落只係覺得士多啤梨好酸好酸。 可惜訂唔到窗口位, 不過當日既天氣麻麻地, 所以亦唔覺有太大損失。 兩位連加一＄567.6, 都唔算太貴。順帶一提AE 白金﹠ HSBC 白金有85折。 點擊圖片放大 +5
