媽媽生日，我地去左W Hotel - Kitchen食自助餐，六點開始。 去前當然有睇 OpenRice 啦， 21個笑25個喊。 但始終要自己試下先知... 我自己食完覺得唔係其他食評講得咁差， 食物方面，龍蝦，長腳蟹，生蠔 同 翡翠螺，一路無限量供應。 次次出親去拎野食時，都見到會添新既冷盤海鮮上去，都幾新鮮。 見到有食評有人話8點鐘就無晒生蠔，尼個問題今晚無出現。 其實食多幾隻龍蝦都已經抵番晒，我地前面果枱就係喇， 攞左8轉至少5轉都係龍蝦，生蠔﹠長腳蟹。 沙律都幾多選擇，一開始有parma ham 但冇蜜瓜，到8點左右先有擺出黎。 有兩款湯，雪耳木瓜煲豬碾 ﹠ 南瓜湯，都幾好飲。 刺身就只有三文魚係好食。 甜品就真係麻麻地，種類得好少，而少得黎又唔算好食。 服務非常好，侍應見我拎住熱湯麵亦主動上前幫手拎回坐位。 收碟好快，唔會你拎完新一碟番黎枱上D野都仲未收。 最後每人都有一杯免費既熱飲，我要左一杯熱檸茶。 400幾一位，用Citybank card 有9折, 抵唔抵食就見人見志。 如果中意食冷盤海鮮既人，Kitchen都係一個唔錯既選擇。 但如果愛甜品既你... 簡過第二間啦。 題外話，Kitchen 所提供既濕紙巾係用上Bliss 牌:) 點擊圖片放大 +15 送出唇DuWop唇彩5ml,美國製Lancome 唇彩7ml。 點參與尼？？好簡單，只需要到以下網址推我既文章﹠留一句祝賀我媽媽既說話就可以喇。 http://www.theztyle.com/home.php?mod=space&uid=18827&do=blog&id=152109&cid=2850364&goto=new#comment_2850364_li 聽日就會抽出幸運兒。
